1 Падшаһлар 5:1—18
5 Сур+ падшаһы Һирам Сүлејманын мәсһ едилиб атасынын јеринә падшаһ олдуғуну ешидәндә өз әјанларыны онун јанына ҝөндәрди. Һирам Давудун хәтрини чох истәјирди.+
2 Сүлејман да Һирама хәбәр ҝөндәрди:+
3 «Сәнә мәлумдур ки, атам Давуд Јеһованын адына ев тикә билмәди, чүнки Јеһова дүшмәнләри она мәғлуб едәнәҹән онлар һәр јандан онунла мүһарибә едирдиләр.+
4 Инди Аллаһым Јеһова мәнә һәр тәрәфдән динҹлик вериб.+ Һеч бир мүгавимәт, әнҝәл јохдур.+
5 Буна ҝөрә дә Јеһованын атам Давуда вәд етдији кими, Аллаһым Јеһованын адына ев тикмәк истәјирәм. О демишди: “Мәним адыма еви сәнин јеринә тахта чыхараҹағым оғлун тикәҹәк”.+
6 Инди адамларына бујур, мәним үчүн Ливандан сидр ағаҹлары кәссинләр.+ Мәним хидмәтчиләрим сәнинкиләрлә бирликдә ишләјәр, мән дә сәнин хидмәтчиләринә тәјин етдијин мәбләғдә зәһмәт һаггы верәрәм. Сән билирсән ки, биздә сидонлулар кими ағаҹ кәсмәји баҹаран јохдур».+
7 Һирам Сүлејманын тәклифини ешидәндә чох севинди вә деди: «Јеһоваја алгыш олсун! О, бу бөјүк халга рәһбәрлик еләмәк үчүн Давуда һикмәтли оғул вериб!»+
8 О, Сүлејмана хәбәр ҝөндәрди: «Тәклифини алдым. Истәјини јеринә јетириб сәнә сидр вә ардыҹ ағаҹлары јоллајаҹағам.+
9 Хидмәтчиләрим онлары Ливандан дәнизә ҝәтирәр, мән онлардан саллар дүзәлдиб дәнизлә дедијин јерә ҝөндәрәрәм. Орада онлары ајырарам, сән дә дашыјарсан. Бунун әвәзиндә ев әһлими истәдијим әрзагла тәмин едәрсән».+
10 Беләҹә, Һирам Сүлејмана истәдији гәдәр сидр вә ардыҹ ағаҹы верди.
11 Сүлејман да Һирамын ев әһли үчүн 20 000 кор* буғда вә 20 кор халис зејтун јағы ҝөндәрди. Сүлејман Һирама һәр ил бунлары верирди.+
12 Јеһова вәд етдији кими, Сүлејмана һикмәт верди.+ Һирамла Сүлејман сүлһдә идиләр, онлар сазиш бағламышдылар.
13 Сүлејман падшаһ бүтүн Исраилдән адамлар топлајыб үзәрләринә мүкәлләфијјәт гојду; 30 000 адам топланды.+
14 Сүлејман һәр ај онлардан он минини нөвбә илә Ливана ҝөндәрирди. Онлар бир ај Ливанда, ики ај өз евләриндә галырдылар. Әдунирам+ мүкәлләфијјәтлиләрин нәзарәтчиси иди.
15 Сүлејманын 70 000 фәһләси, дағларда 80 000 даш кәсән+ ишчиси вар иди.+
16 Һәмчинин Сүлејманын бу адамлара нәзарәт едән 3300 мәмуру вар иди.+
17 Падшаһын әмринә әсасән, евин тәмәлини+ јонулмуш дашлардан+ гојмаг үчүн онлар бөјүк вә баһалы дашлары+ газыб чыхарырдылар.
18 Сүлејманын вә Һирамын иншаатчылары, һәмчинин ҝебаллылар+ дашлары кәсир, еви тикмәк үчүн шалбан вә дашлар һазырлајырдылар.
Һашијәләр
^ Б14 әлавәсинә бах.
