1 Салнамәләр 11:1—47
11 Бир мүддәт сонра исраиллиләр Һәбруна,+ Давудун јанына ҝәлиб дедиләр: «Әтимиз, ганымыз бирдир.+
2 Әввәлләр Талут падшаһ оланда Исраили јүрүшләрә сән апарыб-ҝәтирирдин.+ Аллаһын Јеһова да сәнә демишди: “Халгым Исраилә сән чобанлыг едәҹәксән* вә халгым Исраилин башчысы сән олаҹагсан”».+
3 Беләҹә, бүтүн Исраил ағсаггаллары Һәбруна падшаһын јанына ҝәлдиләр. Давуд Һәбрунда Јеһованын өнүндә онларла әһд бағлады. Сонра Јеһованын Ишмуил васитәсилә дедији кими, Давуду мәсһ едиб Исраилин падшаһы етдиләр.+
4 Давуд вә бүтүн Исраил Јерусәлимә, јәни Јәбуса јүрүш етдиләр.+ Орада јәбусиләр+ јашајырды.
5 Јәбус сакинләри ришхәндлә Давуда дедиләр: «Һеч вахт бура ҝирә билмәзсән!»+ Давуд исә инди Давуд шәһәри+ адланан Сион+ галасыны әлә кечирди.
6 Давуд деди: «Ким јәбусиләрә биринҹи һүҹум етсә, башчы вә әмир олаҹаг». Сәрја оғлу Јуаб+ биринҹи ора ҝетди вә башчы олду.
7 Сонра Давуд галада мәскән салды, буна ҝөрә ора Давуд шәһәри адланды.
8 Давуд Тәпәдән* тутмуш онун бүтүн әтраф јерләринә гәдәр шәһәри тикди. Јуаб исә шәһәрин галан јерләрини бәрпа етди.
9 Беләҹә, Давуд ҝетдикҹә ҝүҹләнди.+ Ордулар Аллаһы Јеһова онунла иди.
10 Давудун иҝидләринин башчылары бүтүн Исраиллә бирликдә онун падшаһлығына ҝүҹлү дајаг идиләр. Онлар Јеһованын Исраилә вердији вәдә ујғун олараг, Давуду падшаһ етмишдиләр.+
11 Давудун иҝидләри бунлар иди: үч иҝидин башчысы, һәкминлиләрдән биринин оғлу Јәшубәм.+ О, низәсини галдырыб бир дәфәјә 300 нәфәри јерә сәрмишди.+
12 Ондан сонра әхуһили+ Додајын оғлу Әлјазар+ ҝәлирди. О, үч иҝидин арасында иди.
13 О, филиштлиләрин дөјүшмәк үчүн топлашдығы Пас-Даммимдә+ Давудла бирликдә иди. Орада арпа тарласы вар иди, ҹамаат филиштлиләрин горхусундан гачыб ҝетмишди.
14 О исә тарланын ортасында дуруб ораны горумуш вә филиштлиләри гырмышды. Онда Јеһова бөјүк гәләбә вермишди.+
15 Отуз башчыдан үчү гајаја, Давудун јанына Әдуллам мағарасына ҝетмишди.+ Бу вахт Филишт ордусу Рәфајим дәрәсиндә ордуҝаһ гурмушду.+
16 Давуд галада иди. Филиштлиләрин кешикчи дәстәси исә Бејтләһмдә иди.
17 Онда Давуд һәсрәтлә демишди: «Каш Бејтләһм+ дарвазасынын јанындакы һовузун сујундан олајды, ичәјдим!»
18 Онда һәмин о үч иҝид филиштлиләрин ордуҝаһына сохулмуш вә Бејтләһм дарвазасынын јанындакы һовуздан су чәкиб Давуда ҝәтирмишди. Лакин Давуд сују ичмәмиш, Јеһованын өнүндә јерә төкүб
19 демишди: «Аллаһыма ағыр ҝедәр! Буну едә билмәрәм! Су ҝәтирмәк үчүн һәјатларыны ода атан бу адамларын ганыны неҹә ичим?+ Ахы онлар бу сују ҝәтирмәк үчүн ҹанларыны тәһлүкәјә атыблар». Давуд сују ичмәмишди. Бәли, о үч иҝид бу ишләри ҝөрмүшдү.
20 Јуабын гардашы Абшај+ башга үч иҝидин башчысы иди. О, низәсини галдырыб 300 нәфәри өлдүрмүшдү. Абшај да биринҹи үч иҝид кими ад газанмышды.+
21 О, үч иҝидин арасында о бири ики нәфәрдән мәшһур иди вә онларын башчысы иди. Амма биринҹи үч иҝидә чатмырды.
22 Јәһјадај оғлу Бәнаји+ ҹәсур адам иди. О, Кәбзилдә+ гәһрәманлыглар ҝөстәрмишди. О, муаби Әрјилин ики оғлуну өлдүрмүшдү. Гарлы ҝүндә су гујусуна ениб шир өлдүрмүшдү.+
23 О һәмчинин боју беш гулаҹ*+ олан бир пәзәвәнҝ мисирлини вуруб өлдүрмүшдү. Мисирлинин әлиндә тохуҹу ағаҹы бојда низә варды.+ Бәнаји кәндирлә онун үстүнә ҝетмиш, низәни мисирлинин әлиндән алыб ону өз низәсилә ҝәбәртмишди.+
24 Јәһјадај оғлу Бәнаји бунлары етмишди. О да үч иҝид кими ад газанмышды.
25 Отуз иҝиддән дә мәшһур иди, амма үч иҝидә+ чатмырды. Давуд ону баш мүһафизи гојмушду.
26 Ордунун иҝид дөјүшчүләри бунлар иди: Јуабын гардашы Асаил+, бејтләһмли Додај оғлу Илкәнан,+
27 һарорлу Шамут, фәлунлу Һәләз,
28 тәгуһлу Игәш оғлу Ираһ+, әнатутлу Әбусәр+,
29 һушаһлы Сиббикај+, әхуһили Илај,
30 нәтуфаһлы Мәһарај+, нәтуфаһлы Бәәннаһ оғлу Һәләд+,
31 бинјаминлиләрин+ Ҝибаһ шәһәриндән Рибај оғлу Исај, фирәтунлу Бәнаји,
32 Ҹааш+ вадиләриндән Хурај, әрәбәли Әбиил,
33 баһуримли Әзмут, шалбунлу Илјәһба,
34 ҝизонлу Һашим оғуллары, һәрарлы Шаги оғлу Јонатан,
35 һәрарлы Сәкар оғлу Әхјам, Ур оғлу Әлифал,
36 меһралы Һәфәр, фәлунлу Әхијјә,
37 кармелли Һизру, Избај оғлу Наарај,
38 Натанын гардашы Јуил, Һәҹри оғлу Мибһар,
39 әмуни Салиг, Сәрја оғлу Јуабын силаһдары бииротлу Наһарај,
40 итрили Ираһ, итрили Гариб,
41 һет Урјај+, Әһлај оғлу Зәбад,
42 рубәнлиләрин башчысы рубәнли Шиза оғлу Әдһин вә онунла олан отуз нәфәр,
43 Мәкаһ оғлу Һәнан, метенли Јушафат,
44 әштәрутлу Уззај, аруирли Һотам оғуллары Сама вә Јаәл,
45 Шимри оғлу Јәдаил, тислинин гардашы Јоһа,
46 маһавлы Әлиил, Илнам оғуллары Әрибај вә Јушәјја, муаби Исмаһ,
47 Әлиил, Абид, мисобалы Јәсиил.
Һашијәләр
^ Лүғәтдә «чобан» сөзүнә бах.
^ Ибр. Миллоһ. Еһтимал ки, галајабәнзәр тикили.
^ Тәх. 2,23 м. Б14 әлавәсинә бах.
