1 Салнамәләр 16:1—43
16 Беләликлә, Аллаһын Әһд сандығыны ҝәтириб Давудун ондан өтрү гурдуғу чадыра гојдулар.+ Сонра Аллаһын һүзурунда јандырма вә үнсијјәт гурбанлары тәгдим етдиләр.+
2 Давуд јандырма вә үнсијјәт гурбанлары+ ҝәтирдикдән сонра Јеһованын ады илә халга хејир-дуа верди.
3 Сонра бүтүн исраиллиләрә, һәр кишијә вә гадына бир көмбә чөрәк, бир хурма лавашанасы вә бир кишмиш лавашанасы верди.
4 О, лавилиләрдән бәзиләрини Јеһованын Әһд сандығы өнүндә хидмәт етмәјә, Исраилин Аллаһы Јеһоваја һәмд-сәна етмәјә, шәнинә алгышлар сөјләмәјә тәјин етди.+
5 Башчы Асәф+ иди, ондан сонра Зәкәријјә, сонра Јаәл, Шамирмут, Јәһјил, Мәттәсјаһ, Әлјаб, Бәнаји, Абид-Әдум вә Јаәл+. Онлар телли аләтләрдә вә чәнҝләрдә чалырды,+ Асәф синҹдә чалырды,+
6 каһинләр Бәнаји вә Јаһәзил даим Аллаһын Әһд сандығы өнүндә кәрәнај чалырдылар.
7 Һәмин ҝүн илк дәфә Давуд Јеһоваја шүкран нәғмәси гошду вә Асәфлә+ гардашларына бу нәғмәни охумағы тапшырыб деди:
8 «Јеһоваја шүкүр един,+ адыны чағырын,Халглар арасында ишләрини бәјан един.+
9 Шәнинә нәғмә дејин, Ону нәғмәләрдә тәрәннүм един,+Һејрәтамиз ишләри барәдә дәриндән дүшүнүн*.+
10 Мүгәддәс ады илә фәхр един.+
Гој Јеһованы ахтаранларын үрәји шад олсун!+
11 Јеһованы ахтарын,+ Ондан ҝүҹ диләјин.
Даим Онун ҹамалыны ахтарын.+
12 Мөһтәшәм ишләрини,+Мөҹүзәләрини, ағзындан чыхан һөкмләри хатырлајын,
13 Еј гулу Исраилин нәсли,+Еј Јагубун оғуллары, сечдији бәндәләр!+
14 О, Аллаһымыз Јеһовадыр,+
Һөкмләри бүтүн дүнјада иҹра олунур.+
15 Әһдини әбәдијјәт боју,Вәдини мин нәслә гәдәр хатырлајын,+
16 Ибраһимлә бағладығы әһди,+Исһага ичдији анды.+
17 Буну Јагуб үчүн фәрман,+Исраил үчүн һәмишәлик бир әһд етди.
18 Деди: “Кәнан торпағыныСәнә мирас верәҹәјәм”.+
19 О вахт онлар сајҹа аз идиләр,Бәли, чох аз идиләр, орада гәриб кими јашајырдылар.+
20 Елдән-елә долашыр,Мәмләкәтдән мәмләкәтә көчүрдүләр.+
21 Һеч кими гојмады ки, онлары инҹитсин,+Онлардан өтрү падшаһлары тәнбеһ етди.+
22 “Мәсһ етдикләримә дәјмәјин,Пејғәмбәрләримә пислик етмәјин!” — деди.+
23 Јеһованын шәнинә нәғмә оху, еј дүнја!
Вердији гуртулушу ҝүнбәҝүн бәјан един.+
24 Халглара шан-шөһрәтини,Бүтүн елләрә харигәләрини бәјан един.
25 Јеһова бөјүкдүр, һәдсиз тәрифә лајигдир,
Бүтүн аллаһлардан зәһмлидир.+
26 Ахы халгларын аллаһлары һечдир,+Јеһова исә ҝөјләрин јараданыдыр.+
27 Әзәмәт вә ҹалал һүзурунда,+Гүдрәт вә севинҹ дәрҝаһындадыр.+
28 Еј халгларын тајфалары, Јеһоваја шәрәф верин!Әзәмәтинә, ҝүҹүнә ҝөрә Јеһоваја шәрәф верин!+
29 Јеһоваја адына лајиг шәрәф верин!+Бәхшиш ҝәтириб Онун һүзуруна ҝәлин.+
Мүгәддәс либасларда* Јеһоваја сәҹдә гылын.+
30 Онун өнүндә тир-тир әс, еј дүнја.
Јер мөһкәм гурулуб, әсла сарсылмаз.+
31 Гој ҝөјләр севинсин, јер үзү шадлансын,+Халглара ҹар чәкин: “Јеһова падшаһ олду”,+
32 Дәниз вә дәниздә нә варса, ҝурласын.Чөл-бијабан, орада нә варса ҹуша ҝәлсин,
33 Мешәдәки ағаҹлар да севинҹ һарајы салсын Јеһованын өнүндә;О, дүнјаны мүһакимә етмәјә ҝәлир.
34 Јеһоваја шүкүр един, чүнки кәрамәтлидир,+Мәһәббәти әбәдидир.+
35 Дејин, “бизи хилас ет, еј хиласкар Аллаһымыз,+Бизи халгларын арасындан топла, хилас ет ки,Сәнин мүгәддәс адына һәмд едәк,+Ифтихарла Сәни уҹалдаг”.+
36 Исраилин Аллаһы ЈеһовајаӘзәлдән әбәдијјәтәдәк алгыш олсун!»
Бүтүн халг: «Амин!» — дејиб Јеһоваја алгыш етди.
37 Давуд Асәфлә+ гардашларыны Јеһованын Әһд сандығынын өнүндә гојду.+ Онлар ҝүндәлик ишләрини ҝөрмәк үчүн даим сандығын өнүндә хидмәт етмәли идиләр.+
38 О һәмчинин Абид-Әдумла гардашларыны, 68 нәфәри орада хидмәт етмәјә тәјин етди. Јадитун оғлу Абид-Әдуму вә Һусәни кешикчи гојду.
39 Каһин Садыг+ вә о бири каһинләр Ҝибјондакы сәҹдәҝаһда*+ Јеһованын чадыры өнүндә дурурдулар.
40 Онлар јандырма гурбаны үчүн олан гурбанҝаһда Јеһоваја мүнтәзәм олараг, сәһәр-ахшам јандырма гурбаны ҝәтирмәли, Јеһованын Исраилә вердији Ганунда јазыланлары јеринә јетирмәли идиләр.+
41 Онларын јанында Һиман, Јадитун+ вә мәһәббәти әбәди олан Јеһоваја һәмд етмәјә+ тәјин олунан сечилмиш адамлар вар иди.+
42 Һиман+ вә Јадитун кәрәнај, синҹ вә Аллаһа мәдһ охунаркән чалынан башга аләтләр чалмалы иди. Јадитун оғуллары+ дарвазанын ағзында дурурдулар.
43 Бундан сонра һамы евинә ҝетди, Давуд да күлфәтинә хејир-дуа вермәјә ҝетди.
Һашијәләр
^ Диҝәр вариант: барәдә данышын.
^ Диҝәр вариант: мүгәддәслијинин еһтишамына ҝөрә.
^ Һәрфән: јүксәкликдә.
