1 Салоникилиләрә 3:1—13
3 Бу сәбәбдән даһа буна таб ҝәтирә билмәдијимиз үчүн фикирләшдик ки, Афинада+ тәк галсаг, јахшы олар.
2 Буна ҝөрә дә иманынызла бағлы сизи мөһкәмләндирмәк вә сизә тәсәлли вермәк үчүн Мәсиһ һаггындакы мүждәнин тәблиғи ишиндә Аллаһын хидмәтчиси* олан гардашымыз Тимутини+ јаныныза ҝөндәрдик ки,
3 бу әзијјәтләр һеч кәсин иманыны сарсытмасын. Ахы сиз билирсиниз ки, бүтүн бунлар бизимлә баш вермәлидир.+
4 Јанынызда оланда да бүтүн бу әзијјәтләрин баш верәҹәјиндән сизи хәбәрдар едирдик. Билдијиниз кими, белә дә олду.+
5 Буна ҝөрә дә даһа буна дөзә билмәдим, сизин сәдагәтиниз барәдә хәбәр тутмаг үчүн јаныныза адам ҝөндәрдим,+ горхурдум ки, бирдән Иблис сизи јолдан чыхарар+ вә зәһмәтимиз һәдәр ҝедәр.
6 Тәзәликҹә јаныныздан гајыдан Тимути+ сизин сәдагәтиниз вә мәһәббәтиниз һаггында бизә шад хәбәр ҝәтирди. О һәмчинин сөјләди ки, бизи һәмишә хош сөзләрлә јад едирсиниз вә биз сизин һәсрәтинизи чәкдијимиз кими, сиз дә бизим һәсрәтимизи чәкирсиниз.
7 Гардашлар, сыхынты вә әзаб-әзијјәт ичиндә олдуғумуз бир вахтда һәм сизин өзүнүз, һәм дә сәдагәтиниз бизә тәсәлли ҝәтирди.+
8 Чүнки Ағанын јолунда мәтанәтлә јеримәјиниз бизә гол-ганад верир.
9 Аллаһымызын гаршысында бизә бәхш етдијиниз бөјүк севинҹин мүгабилиндә Она нә гәдәр шүкүр етсәк, јенә дә аздыр.
10 Үзүнүзү ҝөрмәк вә иманынызда чатышмајан ҹәһәтләри дүзәлтмәк үчүн ҝеҹә-ҝүндүз Аллаһа вар ҝүҹүмүзлә, һәрарәтлә јалварырыг.+
11 Гој Атамыз Аллаһ вә Ағамыз Иса јаныныза ҝәлмәк үчүн јолумузу ачыг етсин.
12 Сизә дујдуғумуз мәһәббәт ашыб-дашдығы кими, гој Аға сизин дә бир-биринизә+ вә бүтүн инсанлара олан мәһәббәтинизи артырыб бол етсин.
13 Вә Ағамыз Исанын бүтүн мүгәддәсләри илә бирликдә һүзуру* заманы+ Атамыз Аллаһын гаршысында+ үрәјинизи әзмли, гүсурсуз вә мүгәддәс етсин.
