1 Тимутијә 3:1—16
3 Бу сөз доғрудур: нәзарәтчи+ олмаға ҹан атан јахшы шеј арзулајыр.
2 Елә исә нәзарәтчи гүсурсуз, тәк бир гадынла евли, һәр шејдә һәддини билән, сағлам дүшүнҹәли,+ низам-интизамлы, гонагпәрвәр,+ тәлим вермәкдә сәриштәли,+
3 дәрракәли олмалыдыр.+ О, сәрхошлуг етмәмәли,+ зоракы, давакар+ вә пулпәрәст олмамалыдыр.+
4 Аиләсини јахшы идарә етмәли, ушаглары итаәткар вә тәрбијәли олмалыдыр.+
5 (Ахы инсан өз аиләсини идарә едә билмирсә, Аллаһын јығынҹағынын гајғысына неҹә галаҹаг?)
6 О һәмчинин имана тәзә ҝәләнләрдән+ олмамалыдыр ки, гүррәләниб Иблисә чыхарылмыш һөкмә дүчар олмасын.
7 Бундан әлавә, кәнар адамлар да онун һаггында јахшы фикирдә олмалыдырлар+ ки, һеч ким ону гынамасын вә о, Иблисин тәләсинә дүшмәсин.
8 Јығынҹаг хидмәтчиләри дә ејнән ҹидди олмалыдырлар. Онлар икиүзлү, шәраб дүшкүнү, һарам газанҹ һәриси олмамалы,+
9 тәмиз виҹданла+ иманын мүгәддәс сиррини горумалыдырлар.
10 Гој әввәлҹә онларын јарарлы олуб-олмадығы сынансын. Әҝәр гүсурсуздурларса,+ гој јығынҹагда хидмәтчи кими хидмәт етсинләр.
11 Гадынлар да һәмчинин бөһтанчы олмамалы,+ әксинә, ҹидди олмалы, һәр шејдә һәдд билмәли, һәр саһәдә сәдагәтли олмалыдырлар.+
12 Јығынҹаг хидмәтчиси тәк бир гадынла евли олмалыдыр. О, ушагларыны вә ев әһлини јахшы идарә етмәлидир.
13 Чүнки ләјагәтлә хидмәт едәнләр јахшы ад газаныр вә Мәсиһ Исаја ҝәтирдикләри иман барәдә алныачыглыгла данышырлар.
14 Үмидварам ки, тезликлә јанына ҝәләҹәјәм. Амма јенә дә бунлары сәнә јазырам ки,
15 ишдир, јубансам, Аллаһын аиләсиндә+ неҹә давранмағы биләсән. Бу аилә вар олан Аллаһын јығынҹағы, һәгигәтин сүтуну вә дајағыдыр.
16 Аллаһа сәдагәтин мүгәддәс сирри, доғрудан да, бөјүкдүр: «Иса ҹисмән зүһур етди,+ руһани варлыг кими салеһ елан едилди,+ мәләкләрә ҝөрүндү,+ халглар арасында тәблиғ олунду,+ дүнјада она иман едилди,+ ҝөјдә ҹалал ичиндә гаршыланды».
