2 Ишмуил 22:1—51
22 Јеһова Давуду бүтүн дүшмәнләринин вә Талутун әлиндән гуртаранда+ Давуд Јеһоваја бу нәғмәни+
2 охуду:
«Јеһова јалчын гајам, истеһкамымдыр,+ мәним ниҹатымдыр.+
3 Аллаһым гајамдыр+, Она сығынырам,Галханым+, ҝүҹлү хиласкарым*, галамдыр+.Пәнаһым+, хиласкарымдыр+, мәни зүлмдән гуртарыр.
4 Јеһова тәрифә лајигдир, Ону чағырырам,Дүшмәнләримдән гуртуларам.
5 Өлүм далғалары мәни бүрүмүшдү,+Јарамаз адамларын басгыны* мәни дәһшәтә салмышды.+
6 Мәзарын* ипләри мәнә сарылмышды,+Чыхмышды гаршыма өлүм тәләләри.+
7 Бу дарлыгда Јеһованы чағырдым,+Имдад үчүн Аллаһыма јалвардым.
Ешитди сәсими мәбәдиндән,Чатды гулағына фәрјадым.+
8 Јер үзү силкәләнди, јырғаланды,+Ҝөјләрин тәмәли јериндән ојнады,+Титрәди Онун гәзәбиндән.+
9 Бурун пәрәләриндән түстү чыхды,Ағзындан шиддәтли алов пүскүрдү,+Јанар көзләр сәпәләнди Ондан.
10 Ашағы енәндә ҝөјләр әјилди,+Гаты зүлмәт ајаглары алтында иди.+
11 Кәрруба миниб+ учараг ҝәлди,
Мәләјин+ ганады* үзәриндә зүһур етди.
12 Әтрафыны чадыр+ кими гаранлыға гәрг етдиГара суларла, топа булудларла.
13 Өнүндә парлајан шәфәгдән көзләр аловланды.
14 Јеһова ҝөјләрдән ҝурлады,+Һагг-Таала сәсини уҹалтды.+
15 Охларыны+ атыб дүшмәнләри дармадағын етди,Шимшәкләрлә онлары чахнашмаја салды.+
16 Јеһованын мәзәммәтиндән,Бурнундан чыхан нәфәсин шиддәтиндәнДәнизләрин диби ҝөрүндү,+ јерин тәмәлләри ашкар олду.+
17 О, јүксәкләрдән әлини узадыб мәни тутду,Дәрин сулардан мәни чәкиб чыхартды.+
18 Мәни голузорлу дүшмәнимдән+,Мәнимлә әдавәт апаранлардан гуртарды, онлар мәндән ҝүҹлү иди.
19 Дар ҝүнүмдә онлар гаршымы кәсмишди,+Лакин Јеһова мәнә дајаг олду.
20 Мәни ҝенишлијә чыхартды,+Мәни хилас етди, чүнки мәндән разы иди.+
21 Јеһова салеһлијимә ҝөрә мәнә мүкафат верир,+Пак олдуғуму ҝөрүб әвәзини верир.+
22 Чүнки мән Јеһованын јолуну тутмушам,Аллаһымы хаинҹәсинә тәрк етмәмишәм.
23 Онун бүтүн һөкмләри+ ҝөзүмүн өнүндәдир,Ганунларындан дөнмәрәм.+
24 Онун өнүндә пак галаҹағам+,Гәбаһәт ишләрдән узаг ҝәзәҹәјәм.+
25 Јеһова салеһлијимин,Өнүндә ҝүнаһсыз олмағымын әвәзини версин.+
26 Садиг адамла садигсән,+Пак, иҝид адама гаршы паксан.+
27 Саф адамла саф давранырсан,+Һијләҝәрә гаршы фәнд ишләдирсән.+
28 Һәлимләри хилас едирсән,+Амма мәғрурлара гаршы дурурсан, онлары алчалдырсан.+
29 Јеһова, чырағымсан!+Ҝеҹәми ҝүндүз едән Јеһовадыр.+
30 Сәнин көмәјинлә гулдурларын габағына чыхарам,Аллаһын ҝүҹү илә сәдләр ашарам.+
31 Аллаһын јолу камилдир,+Јеһованын сөзү сафдыр,+
Худавәнд Она сығынанларын һамысына сипәрдир.+
32 Мәҝәр Јеһовадан башга Аллаһ вар?+
Аллаһымыздан савајы ким гаја ола биләр?+
33 Аллаһ мәним галамдыр,+О, јолуму камил едәр.+
34 Ајағымы марал ајағытәк чевик едир,Мәни зирвәләрдә сахлајыр.+
35 Әлими дөјүшә өјрәдир,Голум мис каманы ҝәрир.
36 Сән гуртулуш галханыны мәнә верирсән,Лүтфүн мәни уҹалдыр.+
37 Аддымларыма јол ачырсан,Ајагларым сүрүшмәз.+
38 Дүшмәнләрими говуб гыраҹағам,Онлары јох етмәјинҹә ҝери гајытмајаҹағам.
39 Онлары гырыб-чатаҹағам, галха билмәјәҹәкләр,+Ајагларымын алтына сәриләҹәкләр.
40 Дөјүш үчүн белими гүввәтлә гуршајарсан,+Јағы дүшмәними ајағымын алтына сәрәрсән.+
41 Дүшмәнләрими мәғлубијјәтә уғрадарсан.+Мәнә нифрәт едәнләри јох едәрәм*.+
42 Имдад диләсәләр дә, онлары гуртаран јохдур,Һәтта Јеһоваја јалварырлар, лакин О һај вермир.+
43 Онлары әзиб тоз кими едәҹәјәм,Онлары күчәдәки палчыг кими тапдалајаҹағам.
44 Сән мәни елимин тәнәсиндән гуртараҹагсан,+
Халглара башчы гојмаг үчүн мәни горујаҹагсан,+Танымадығым бир халг мәнә гуллуг едәҹәк.+
45 Јаделлиләр әсә-әсә өнүмә ҝәләҹәк,+Сорағымы ешидиб мәнә итаәт едәҹәкләр.
46 О јаделлиләрин рәнҝи-руһу гачаҹаг,Ҝизләндикләри галалардан әсә-әсә чыхаҹаглар.
47 Шүкүрләр олсун Гајама+, вар олан Јеһоваја!
Аллаһыма, мәни хилас едән гајама ешг олсун!+
48 Аллаһ гисасымы алыр,+Халглары мәнә табе едир.+
49 О, мәни дүшмәнләримдән гуртарыр.
Сән мәни үстүмә ҝәләнләрдән үстүн едирсән,+Мәни залымын әлиндән алырсан.+
50 Буна ҝөрә, еј Јеһова, Сәнә халглар арасында шүкүр едәҹәјәм,+Адыны нәғмәләрдә тәрәннүм едәҹәјәм.+
51 О, мөһтәшәм ишләрлә падшаһыны хилас едир,+Мәсһ етдијинә, Давуда вә онун нәслинәӘбәдилик мәһәббәт ҝөстәрир».+
