2 Ишмуил 23:1—39
23 Бу, Давудун сон сөзләридир:+
«Јәссә оғлу+ Давудун сөзләри,Јүксәкләрә уҹалдылмыш,+Јагубун Аллаһынын мәсһ етдији+ адамын,Исраилин севимли нәғмәкарынын+ сөзләри.
2 Јеһованын руһу мәни дилләндирди,+Онун кәламы дилимдә иди.+
3 Исраилин Аллаһы данышды,Исраилин Гајасы+ мәнә деди:
“Һөкмдар салеһ оланда,+Аллаһ горхусу илә һөкм едәндә,+
4 Санки, сәһәр ачылыр,Булудсуз сәмада ҝүнәш ишыг сачыр,+
Јағышдан сонра парлајан шәфәгләрЈердә от битирир”.+
5 Мәним евим Аллаһын һүзурунда бу ҹүрдүр!
Аллаһ мәнимлә әбәди әһд бағлады,+Мөһүрләнмиш, мүкәммәл бир әһд.
Бу, мәним гуртулушум, зөвг-сәфамдыр.Аллаһ ону јетишдирмәзми?+
6 Бәдхаһлар исә тикан колу кими атылыр,+Онлары әлә ҝөтүрмәк олмур.
7 Онлара тохунмаг истәјәнДәмирлә, низә сапы илә силаһланмалыдыр.Онлары јериндәҹә күлә чевирмәк лазымдыр».
8 Давудун иҝидләри+ бунлар иди: үч иҝидин башчысы тәкминли Јушиб-Бәссәбат.+ О, низәсини галдырыб бир дәфәјә 800 нәфәри јерә сәрмишди.
9 Ондан сонра Әхуһи оғлу Додајын+ оғлу Әлјазар+ ҝәлирди. О, Давудла бирликдә филиштлиләрә мејдан охујан үч иҝидин арасында иди. Онлар орада дөјүшә топлашмышдылар. Исраиллиләр ҝери чәкиләндә
10 о, јериндә дуруб голу јорулана гәдәр, гылынҹ тутмагдан әли кејијәнә гәдәр филиштлиләри гырмышды.+ О ҝүн Јеһова бөјүк гәләбә вермишди.+ Халг исә Әлјазарын ардынҹа гајыдыб ҹәсәдләри гарәт етмишди.
11 Ондан сонра һәрарлы Әгинин оғлу Шамаһ ҝәлирди. Бир дәфә филиштлиләр Леһидә, мәрҹи тарласында топлашмышдылар. Ҹамаат филиштлиләрин горхусундан гачыб ҝетмишди.
12 О исә тарланын ортасында дуруб ораны горумуш вә филиштлиләри гырмышды. Онда Јеһова бөјүк гәләбә вермишди.+
13 Отуз башчыдан үчү бичин вахты Давудун јанына Әдуллам мағарасына+ ҝетмишди. Филиштлиләр Рәфајим дәрәсиндә ордуҝаһ гурмушдулар.+
14 Давуд галада иди.+ Филиштлиләрин кешикчи дәстәси исә Бејтләһмдә иди.
15 Онда Давуд һәсрәтлә демишди: «Каш Бејтләһм дарвазасы јанындакы һовузун сујундан олајды, ичәјдим!»
16 Онда һәмин о үч иҝид филиштлиләрин ордуҝаһына сохулмуш вә Бејтләһм дарвазасы јанындакы һовуздан су чәкиб Давуда ҝәтирмишди. Лакин Давуд сују ичмәмиш, Јеһованын өнүндә јерә төкүб+ демишди:
17 «Ја Јеһова, һеч мән буну едәрәмми?! Су ҝәтирмәк үчүн һәјатларыны ода атан бу адамларын ганыны неҹә ичим?+» Давуд сују ичмәмишди. Бәли, о үч иҝид бу ишләри ҝөрмүшдү.
18 Сәрја+ оғлу Јуабын гардашы Абшај+ башга үч иҝидин башчысы иди. О, низәсини галдырыб 300 нәфәри өлдүрмүшдү. Абшај да биринҹи үч иҝид кими ад газанмышды.+
19 О, үч иҝидин арасында ән мәшһуру иди вә онларын башчысы иди. Амма биринҹи үч иҝидә чатмырды.
20 Јәһјадај оғлу Бәнаји+ ҹәсур адам иди. О, Кәбзилдә+ гәһрәманлыглар ҝөстәрмишди. О, муаби Әрјилин ики оғлуну өлдүрмүшдү. Гарлы ҝүндә су гујусуна ениб шир өлдүрмүшдү.+
21 О һәмчинин бир пәзәвәнҝ мисирлини вуруб өлдүрмүшдү. Мисирлинин әлиндә низә варды. Бәнаји кәндирлә онун үстүнә ҝетмиш, низәни мисирлинин әлиндән алыб ону өз низәсилә ҝәбәртмишди.
22 Јәһјадај оғлу Бәнаји бунлары етмишди. О да үч иҝид кими ад газанмышды.
23 Отуз иҝиддән дә мәшһур иди, амма үч иҝидә чатмырды. Давуд ону баш мүһафизи гојмушду.
24 Јуабын гардашы Асаил+ отуз иҝидин арасында иди. Диҝәр иҝидләр бунлар иди: бејтләһмли Додај оғлу Илкәнан,+
25 харудлу Шамаһ, харудлу Әлга,
26 фәләтли Һәләз+, тәгуһлу Игәш оғлу Ираһ+,
27 әнатутлу+ Әбусәр+, һушаһлы Мәбуннај,
28 әхуһили Сәлмун, нәтуфаһлы Мәһарај+,
29 нәтуфаһлы Бәәннаһ оғлу Һәләб, бинјаминлиләрин Ҝибаһ шәһәриндән Рибај оғлу Иттај,
30 фирәтунлу Бәнаји+, Ҹааш+ вадиләриндән Һиддај,
31 әрәбәли Әбу-Әлбун, барһумлу Әзмут,
32 шалбунлу Илјәһба, Јашән оғуллары, Јонатан,
33 һәрарлы Шамаһ, һәрарлы Шарар оғлу Әхјам,
34 мәкати оғлу Әһәзбәјин оғлу Әлфәлит, ҝилолу Әхтуфил+ оғлу Әлјам,
35 кармелли Һизру, әрәбли Фәрај,
36 собаһлы Натан оғлу Јәгәл, ҹадлы Бәнни,
37 әмуни Салиг, Сәрја оғлу Јуабын силаһдары бииротлу Наһарај,
38 итрили Ираһ, итрили Гариб+ вә
39 һет Урјај+. Ҹәми отуз једди нәфәр.
