2 Ишмуил 24:1—25
24 Јеһова јенә Исраилә гәзәбләнди.+ Бир кәс: «Ҝет Исраили вә Јәһуданы сај»,+ — дејиб Давуду онлара гаршы тәһрик етди.+
2 Падшаһ јанында олан орду башчысы Јуаба+ деди: «Дандан тутмуш Биир-Сәбаја+ гәдәр бүтүн Исраил гәбиләләрини ҝәзин, һамыны сијаһыја алын ки, халгын сајыны билим».
3 Јуаб падшаһа деди: «Гој Аллаһын Јеһова халгы јүз гат артырсын, һөкмдар да буну ҝөрсүн. Нә үчүн һөкмдарым белә шеј етмәк истәјир?»
4 Амма падшаһын сөзү Јуабла сәркәрдәләрин сөзүндән кәсәрли олду. Јуаб вә сәркәрдәләр падшаһын һүзурундан чыхыб Исраил халгыны сијаһыја алмаға ҝетдиләр.+
5 Онлар Иорданы кечиб вадинин ортасындакы шәһәрдән сағда, Аруирдә+ дүшәрҝә салдылар, сонра ҹадлылар тәрәфә јолландылар, орадан исә Јазир+ тәрәфә ҝетдиләр.
6 Даһа сонра Ҝилада+ вә Тахтым-Һүдси торпағына үз тутдулар, орадан да Дан-Јаһана ҝедиб Сидон+ әтрафыны долашдылар.
7 Орадан Сур галасына+ ҝетдиләр, һивиләрин+ вә кәнаниләрин бүтүн шәһәрләрини ҝәздиләр, ахырда Неҝевдә+, јәни Јәһудадакы Биир-Сәбада+ дајандылар.
8 Беләликлә, онлар бүтүн өлкәни ҝәздиләр вә доггуз ај ијирми ҝүндән сонра Јерусәлимә гајытдылар.
9 Јуаб сијаһыја алынан халгын сајыны падшаһа тәгдим етди. Исраилдә әли гылынҹлы 800 000 дөјүшчү, Јәһудада исә 500 000 адам вар иди.+
10 Халгы сајандан сонра Давудун үрәји ону гынамаға башлады+. О, Јеһоваја деди: «Бу иши ҝөрмәклә бөјүк ҝүнаһ етмишәм+. Јеһова, ахмаглыг еләмишәм, јалварырам, гулуну бағышла».+
11 Давуд сәһәр галханда онун ҝөрүҹүсү Ҹада+ Јеһованын сөзү назил олду:
12 «Ҝет Давуда сөјлә ки, Јеһова белә дејир: “Гаршына үч сечим гојурам. Бирини сеч. Сәни о ҹүр ҹәзаландыраҹағам”».+
13 Ҹад да Давудун јанына ҝәлиб деди: «Һансыны сечирсән: өлкәдә једди ил аҹлыг олсун,+ үч ај дүшмәнләрин сәни тәгиб етсин,+ ја да үч ҝүн өлкәдә хәстәлик олсун?+ Јахшы-јахшы фикирләш, сөјлә, мәни ҝөндәрәнә нә ҹаваб верим».
14 Давуд Ҹада деди: «Мәнә чох чәтиндир. Гојма инсан әлинә дүшүм.+ Гој биз Јеһованын әлинә дүшәк,+ Онун мәрһәмәти бөјүкдүр».+
15 Јеһова сәһәр ачыландан тәјин олунмуш вахта гәдәр Исраилә хәстәлик ҝөндәрди.+ Дандан тутмуш Биир-Сәбаја гәдәр+ 70 000 адам гырылды.+
16 Мәләк әлини узадыб Јерусәлими тар-мар етмәк истәјәндә Јеһованын халга јазығы ҝәлди+ вә халгы гыран мәләјә деди: «Бәсдир! Әл сахла!» Јеһованын мәләји јәбуси+ Арунаһын хырманынын+ јанында иди.
17 Давуд мәләјин халгы гырдығыны ҝөрәндә Јеһоваја деди: «Ҝүнаһ едән мәнәм, мән хәта етмишәм. Ахы бу јазыг гојунлар+ нә едибләр? Гој әлин мәнә, атамын евинә гаршы галхсын».+
18 Ҹад һәмин ҝүн Давудун јанына ҝәлиб деди: «Галх, ҝет Јеһова үчүн јәбуси Арунаһын хырманында гурбанҝаһ тик».+
19 Давуд Јеһованын әмр етдији кими, Ҹадын сөзү илә дуруб ҝетди.
20 Арунаһ падшаһла әјанларынын она тәрәф ҝәлдијини ҝөрәндә тез бајыра чыхыб јерәдәк падшаһа тәзим етди вә деди:
21 «Ағам падшаһы бу гулунун јанына нә ҝәтириб?» Давуд деди: «Ҝәлмишәм сәнин хырманыны алыб Јеһоваја гурбанҝаһ тиким вә халгын үзәринә ҝәлән бәла дајансын».+
22 Арунаһ Давуда деди: «Гој падшаһ хырманы ҝөтүрүб истәдијини тәгдим етсин. Бурада јандырма гурбаны үчүн һејван, јандырмаг үчүн одун әвәзинә вәл вә бојундуруглар вар.
23 Ја падшаһ, һамысы сәниндир». Сонра Арунаһ әлавә етди: «Гој Аллаһын Јеһова сәнә јар олсун».
24 Падшаһ исә Арунаһа деди: «Буну сәндән пулла алаҹағам. Аллаһым Јеһоваја јандырма гурбаныны һавајы ҝөтүрүб тәгдим етмәрәм». Давуд әлли шекел* вериб хырманы вә һејванлары алды.+
25 Давуд орада Јеһоваја гурбанҝаһ тикди,+ јандырма вә үнсијјәт гурбанлары тәгдим етди. Јеһова онларын өлкә үчүн етдији јалварышларына ҹаваб верди+ вә Исраилә ҝәлән бәла совушду.
Һашијәләр
^ Шекел 11,4 г-а бәрабәрдир. Б14 әлавәсинә бах.
