2 Ишмуил 5:1—25
5 Бир мүддәт сонра Исраилин бүтүн гәбиләләри Һәбруна+ Давудун јанына ҝәлиб дедиләр: «Әтимиз, ганымыз бирдир.+
2 Әввәлләр Талут падшаһымыз оланда Исраили јүрүшләрә сән апарыб-ҝәтирирдин.+ Јеһова да сәнә демишди: “Халгым Исраилә сән чобанлыг едәҹәксән* вә бүтүн Исраилин башчысы сән олаҹагсан”».+
3 Беләҹә, бүтүн Исраил ағсаггаллары Һәбруна падшаһын јанына ҝәлдиләр. Давуд падшаһ Һәбрунда Јеһованын өнүндә онларла әһд бағлады.+ Сонра онлар Давуду мәсһ едиб Исраилин падшаһы етдиләр.+
4 Давуд падшаһ оланда отуз јашында иди. О, гырх ил һакимијјәт сүрдү.+
5 Једди ил алты ај Һәбрунда Јәһуда үзәриндә, отуз үч ил дә Јерусәлимдә+, бүтүн Исраил вә Јәһуда үзәриндә падшаһ олду.
6 Падшаһ вә адамлары Јерусәлимдә јашајан јәбусиләрин+ үстүнә јүрүшә ҝетдиләр. Јәбусиләр ришхәндлә Давуда дедиләр: «Һеч вахт бура ҝирә билмәзсән. Ади корларла чолаглар сәни говаҹаглар». Онлар елә фикирләширдиләр ки, Давуд ора ҝирә билмәјәҹәк.+
7 Давуд исә инди Давуд шәһәри+ адланан Сион галасыны әлә кечирди.
8 Һәмин ҝүн Давуд деди: «Јәбусиләрә һүҹум едәнләр јералты су хәндәјиндән кечиб Давудун нифрәт етдији о “чолаглары вә корлары” өлдүрмәлидир!» Буна ҝөрә дејирләр: «Корларла чолаглар һеч вахт бу евә ҝирмәјәҹәк!»
9 Сонра Давуд галада мәскән салды вә ора Давуд шәһәри адланды*. Давуд Тәпәдән*+ ичәријә доғру олан саһәни тикмәјә башлады.+
10 Беләҹә, Давуд ҝетдикҹә ҝүҹләнди.+ Ордулар Аллаһы Јеһова онунла иди.+
11 Сур падшаһы Һирам+ Давуда гасидләр, һәмчинин сидр ағаҹлары+, дүлҝәрләр, бәнналар ҝөндәрди. Онлар Давуд үчүн сарај тикмәјә башладылар.+
12 Давуд баша дүшдү ки, Јеһова онун тахт-таҹыны Исраилдә мөһкәмләндириб,+ халгы Исраил наминә+ јүксәлдиб.+
13 Давуд Һәбрундан Јерусәлимә ҝәләндән сонра да ҹаријәләр+ вә арвадлар алды, онун башга оғуллары вә гызлары олду.+
14 Онун Јерусәлимдә доғулан ушаглары бунлардыр: Шаму, Шобаб, Натан+, Сүлејман+,
15 Ибһар, Әлишу, Нафиг, Јафја,
16 Әлшама, Әлјада, Әлфәлит.
17 Филиштлиләр ешитдиләр ки, Давуд Исраилдә падшаһ олуб.+ Бүтүн филиштлиләр ону ахтармаға чыхдылар.+ Давуд буну ешидәндә галаја ҝетди.+
18 Филиштлиләр ҝәлиб Рәфајим дәрәсинә сәпәләндиләр.+
19 Давуд Јеһовадан сорушду:+ «Филиштлиләрин үстүнә ҝедим? Онлары мәнә тәслим едәҹәксән?» Јеһова Давуда ҹаваб верди: «Ҝет, Мән филиштлиләри мүтләг сәнә тәслим едәҹәјәм».+
20 Давуд Баал-Фарисимә ҝәлиб онлары гырды. О деди: «Јеһова сел кими өнүмдә ҝедиб дүшмән сәфләрини јарыб кечди».+ Буна ҝөрә дә о, һәмин јери Баал-Фарисим*+ адландырды.
21 Филиштлиләр бүтләрини орада атыб гачмышдылар; Давуд вә адамлары онлары апардылар.
22 Филиштлиләр јенә ҝәлиб Рәфајим дәрәсинә сәпәләндиләр.+
23 Давуд Јеһоваја мүраҹиәт етди. Аллаһ деди: «Үстләринә гаршыдан ҝетмә, архаларындан доланыб бака колларынын габағында һүҹума кеч.
24 Бака колларынын баш тәрәфиндә ајаг сәсләри ешидәндә ҹәлд һәрәкәтә кеч. Бил ки, Јеһова Филишт ордусуну гырмаг үчүн өнүндә ҝедир».
25 Давуд Јеһованын бујурдуғу кими етди. Ҝибадан+ Ҹәзәрә+ гәдәр олан бүтүн јол боју филиштлиләри гырыб јерә сәрди.+
Һашијәләр
^ Лүғәтдә «чобан» сөзүнә бах.
^ Диҝәр вариант: ора Давуд шәһәри адыны гојду.
^ Ибр. Миллоһ. Еһтимал ки, галајабәнзәр тикили.
^ Мәнасы: јарыгларын ағасы.
