2 Ишмуил 6:1—23
6 Давуд јенидән Исраилин бүтүн сај-сечмә дөјүшчүләрини топлады, 30 000 нәфәр топланды.
2 Сонра Давуд адамлары илә Аллаһын сандығыны ҝәтирмәк үчүн Баали-Јәһудаја јолланды.+ (Халг сандығын өнүндә тахтыны кәррублар үзәриндә* гуран+ ордулар Аллаһы Јеһованы+ чағырыр.)
3 Онлар Аллаһын сандығыны тәзә арабаја гојуб+ Әбунәдәбин тәпәдә олан евиндән чыхартдылар.+ Әбунәдәбин оғуллары Үззаһ вә Әхју арабанын габағында ҝедирди.
4 Беләҹә, онлар Аллаһын сандығыны Әбунәдәбин тәпәдә олан евиндән апардылар. Әхју сандығын өнүндә ҝедирди.
5 Давуд вә бүтүн Исраил әһли Јеһованын өнүндә шәнлик едир, ардыҹ ағаҹындан олан ҹүрбәҹүр аләтләрдә, чәнҝдә, башга телли аләтләрдә+, гавалда+, шах-шахда вә синҹдә+ чалырдылар.
6 Ҝәлә-ҝәлә Нахонун хырманына чатдылар. Орада һејванлар аз галмышды сандығы ашырсын. Үззаһ тез әлини узадыб Аллаһын сандығыны тутду.+
7 Онда Јеһова Үззаһа бәрк гәзәбләнди, һөрмәтсизлик етдијинә ҝөрә+ Аллаһ ону вурду.+ О, Аллаһын сандығынын јанындаҹа өлдү.
8 Давуд Јеһованын Үззаһа гәзәбләндијинә ҝөрә дилхор олду*. Һәмин јер бу ҝүнәдәк Фарәс-Үззаһ* адланыр.
9 О ҝүн Давуд Јеһовадан горхуб+ деди: «Јеһованын сандығы јаныма неҹә ҝәтирилә биләр?»+
10 О, Јеһованын сандығыны өзүнүн јашадығы јерә, Давуд шәһәринә+ ҝәтирмәк истәмәди. Ону ҹатлы Абид-Әдумун евинә ҝөндәрди.+
11 Јеһованын сандығы үч ај ҹатлы Абид-Әдумун евиндә галды. Јеһова Абид-Әдумун, онун күлфәтинин башына бәрәкәт јағдырды.+
12 Давуд падшаһа хәбәр ҝәлди: «Јеһова Өз сандығына ҝөрә Абид-Әдумун ев-ешијинә бәрәкәт вериб». Онда Давуд Аллаһын сандығыны Давуд шәһәринә ҝәтирмәк үчүн шәнлик едә-едә Абид-Әдумун евинә ҝетди.+
13 Јеһованын сандығыны дашыјанлар+ алты аддым атандан сонра Давуд бир буға вә бир бәсләнмиш һејваны гурбан кәсди.
14 Давуд әјнинә кәтан дөшлүк ҝејиниб бөјүк бир ҹошгу илә Јеһованын өнүндә рәгс едирди.+
15 Давуд вә бүтүн Исраил әһли Јеһованын сандығыны+ шејпур сәси+ вә севинҹ һарајлары алтында+ ҝәтирирдиләр.
16 Јеһованын сандығы Давуд шәһәринә дахил оланда Талутун гызы Мәкјал+ пәнҹәрәдән бахырды. О, Давуд падшаһын Јеһованын өнүндә рәгс етдијини, һоппаныб-дүшдүјүнү ҝөрәндә Давуд онун ҝөзүндән дүшдү.+
17 Јеһованын сандығыны ҝәтириб Давудун ондан өтрү гурдуғу чадырын ичиндәки јеринә гојдулар.+ Сонра Давуд Јеһованын һүзурунда јандырма+ вә үнсијјәт гурбанлары+ тәгдим етди.+
18 Давуд јандырма вә үнсијјәт гурбанлары ҝәтирдикдән сонра ордулар Аллаһы Јеһованын ады илә халга хејир-дуа верди.
19 Сонра бүтүн халга, бүтүн Исраил топлантысына, һәр кишијә вә гадына бир һалгавары чөрәк, бир хурма лавашанасы вә бир кишмиш лавашанасы верди. Сонра ҹамаат дағылышыб һәрә өз евинә ҝетди.
20 Давуд өз күлфәтинә дә хејир-дуа вермәк үчүн евинә дөнәндә Талутун гызы Мәкјал+ ону гаршыламаға чыхды. О деди: «Ҝөр бу ҝүн Исраилин падшаһы өзүнү неҹә уҹалтды! О, башыбош бир адам кими, әјанларынын гарабашлары габағында сојунду».+
21 Онда Давуд Мәкјала деди: «Мән Јеһованын өнүндә шәнләнирдим. Јеһова сәнин атанын вә онун евинин јеринә мәни сечиб Өз халгы Исраилин үзәриндә һөкмдар гојду.+ Буна ҝөрә мән Јеһованын өнүндә шәнләнәҹәјәм.
22 Өзүмү бундан да ашағы тутаҹағам вә өз ҝөзүмдә даһа да кичиләҹәјәм. Амма дедијин о гул-гарабашларын ҝөзүндә уҹалаҹағам».
23 Буна ҝөрә дә Талутун гызы Мәкјалын+ өләнә гәдәр ушағы олмады.
