2 Ишмуил 7:1—29
7 Падшаһ артыг өз евиндә мәскунлашды+ вә Јеһова она әтрафындакы бүтүн дүшмәнләрин әлиндән раһатлыг верди.
2 Онда о, Натан+ пејғәмбәрә деди: «Мән бурада сидр ағаҹындан олан+ евдә јашајырам, Аллаһын сандығы исә чадырда галыр».+
3 Натан падшаһа деди: «Үрәјиндә нә нијјәт тутмусан, ону да ет. Јеһова сәнинләдир».+
4 Һәмин ҝеҹә Јеһованын сөзү Натана назил олду:
5 «Ҝет гулум Давуда сөјлә ки, Јеһова белә дејир: “Сән Мәнә ев тикәҹәксән ки, орада јашајым?+
6 Исраили Мисирдән чыхартдығым ҝүндән бәри Мән һеч бир евдә галмамышам.+ Анҹаг чадырда+, алачыгда ораја-бураја көчмүшәм.
7 Исраиллә ҝетдијим бүтүн бу вахт әрзиндә халгымын үзәриндә чобанлыг етмәјә гојдуғум гәбилә башчыларындан һансы биринә бир дәфә дә олсун “нијә Мәнә сидр ағаҹындан ев тикмәмисиниз?” демишәм?”
8 Гулум Давуда сөјлә ки, ордулар Аллаһы Јеһова белә дејир: “Сәни сүрүләри отардығын отлаглардан+ ҝөтүрүб халгым Исраилин башчысы гојмушам.+
9 Һара ҝетсән, сәнинлә олаҹағам,+ дүшмәнләрини өнүндән јох едәҹәјәм,+ сәнин адыны дүнјадакы бөјүк адамларын ады кими бөјүк едәҹәјәм.+
10 Халгым Исраил үчүн бир јер тәјин едиб ону орада мәскунлашдыраҹағам. Онлар орада јашајаҹаг вә даһа һеч вахт онлары нараһат едән олмајаҹаг, кечмишдә олдуғу кими залымлар даһа онлары сыхышдырмајаҹаг.+
11 Халгым Исраил үзәриндә һакимләр гојдуғум+ ҝүнләрдән бәри олдуғу кими, бәдхаһлар даһа онлара зүлм етмәјәҹәк. Сәни бүтүн дүшмәнләрин әлиндән гуртараҹағам.+
Јеһова һәмчинин сәнә демишди ки, Јеһова сәнин сүлаләни давамлы едәҹәк.+
12 Өмрүн тамам олуб+ әҹдадларына говушмаг вахтын чатанда сәндән сонра сәнин өвладыны*, оғлуну ортаја чыхараҹағам, онун тахт-таҹыны бәргәрар едәҹәјәм.+
13 Мәним адыма о, ев тикәҹәк.+ Мән дә онун падшаһ тахтыны әбәди бәргәрар едәҹәјәм.+
14 Мән она ата олаҹағам, о да Мәнә оғул олаҹаг.+ Сәһв едәндә ону инсан дәјәнәји илә, бәшәр* өвладынын көтәји илә тәрбијә едәҹәјәм.+
15 Сәнин гаршындан ҝөтүрдүјүм Талутдан лүтфүмү кәсдијим кими,+ ондан кәсмәјәҹәјәм.
16 Евин вә сәлтәнәтин әбәдијјән асајишдә олаҹаг. Тахтын әбәди дураҹаг”».+
17 Натан бүтүн бу сөзләри вә вәһји Давуда нәгл етди.+
18 Онда падшаһ Давуд ичәри ҝириб Јеһованын өнүндә отурду. О деди: «Еј Күлли-Ихтијар Јеһова! Мән кимәм, әсил-нәҹабәтим кимдир ки, мәни бу јерә ҝәтириб чыхартмысан?+
19 Еј Күлли-Ихтијар Јеһова, һәлә үстәлик, гулуна онун евинин узаг ҝәләҹәји барәдә данышырсан. Ја Күлли-Ихтијар Јеһова, бу ҝөстәришин бүтүн бәшәријјәт үчүндүр.
20 Бу гулун Давуд Сәнә нә дејә биләр, Сән ки мәни јахшы таныјырсан,+ ја Күлли-Ихтијар Јеһова!
21 Сән бүтүн бу мөһтәшәм ишләри сөзүн хатиринә вә үрәјинин нијјәтинә ҝөрә етмисән, сонра онлары гулуна ачмысан.+
22 Доғрудан, Сән әзәмәтлисән,+ еј Күлли-Ихтијар Јеһова! Сәнин мислин јохдур,+ Сәндән башга Аллаһ јохдур.+ Бүтүн ешитдикләримиз буна сүбутдур.
23 Дүнјада халгын Исраилә бәнзәр башга халг вармы?+ Еј Аллаһ, онлары Өз халгын билиб азад етдин,+ онлардан өтрү әзәмәтли, мөһтәшәм ишләр ҝөрдүн,+ адыны уҹалтдын.+ Мисирдән азад етдијин үммәтин уғрунда халглары, онларын аллаһларыны говдун.
24 Исраили һәмишәлик Өзүнә халг етдин.+ Еј Јеһова, Өзүн дә онларын Аллаһы олдун.+
25 Еј Јеһова Аллаһ! Вәд етдијин кими ет, гој бу гулун вә онун еви барәдә вердијин вәд һәмишә ҝерчәк олсун.+
26 Гој адын әбәдилик уҹалсын!+ Гој һамы: “Ордулар Аллаһы Јеһова Исраилин Аллаһыдыр!” — десин. Гој гулун Давудун еви Сәнин өнүндә мөһкәм дурсун.+
27 Чүнки Сән, еј Исраилин Аллаһы, еј ордулар Аллаһы Јеһова, гулуна әјан еләдин: “Сәнин сүлаләни бәргәрар едәҹәјәм”.+ Она ҝөрә гулун Сәнә бу дуаны етмәјә ҹәсарәт тапды.
28 Еј Күлли-Ихтијар Јеһова, Сән һагг Аллаһсан, сөзләрин һагдыр.+ Сән бу ҝөзәл шејләри гулуна вәд етдин.
29 Гулунун евини мүбарәк гыл! Гој о, әбәдијјән Сәнин өнүндә дурсун.+ Күлли-Ихтијар Јеһова, буну Сән вәд етдин вә гој бу гулунун еви Сәнин бәхшишләринлә әбәди мүбарәк олсун!»+
