2 Ишмуил 8:1—18
8 Бир мүддәт сонра Давуд филиштлиләри+ мәғлуб едиб онлары өзүнә табе етдирди.+ Давуд Мәтиг-Әммаһы филиштлиләрин әлиндән алды.
2 О, муабиләри мәғлуб етди.+ Онлары сыра илә јерә узадыб өлчү ипи илә өлчдү. Ики өлчү ипи узунлуғундакы гисми өлдүрдү, бир өлчү ипи узунлуғундакы гисми сағ сахлады.+ Муабиләр Давуда табе олуб она хәраҹ вердиләр.+
3 Собаһ+ падшаһы Рәһубун оғлу Һәдадзәр Фәрат чајы бөлҝәсиндә өз һакимијјәтини бәрпа етмәјә ҝедәркән Давуд ону мәғлуб етди.+
4 Давуд онун 1700 сүварисини вә 20 000 пијада әсҝәрини әсир алды. Сонра Давуд 100 гошгу атыны сахлајыб галанларыны шикәст етди.+
5 Дәмәшг+ арамиләри Собаһ падшаһы Һәдадзәрә көмәјә ҝәләндә Давуд онларын 22 000 дөјүшчүсүнү гырды.+
6 Давуд Дәмәшг Арамына кешикчи дәстәләри јерләшдирди вә арамиләр Давуда табе олуб она хәраҹ вердиләр. Давуд һара ҝедирдисә, Јеһова она гәләбә верирди.+
7 Бундан әлавә, Давуд Һәдадзәрин хидмәтчиләринин гызыл галханларыны ҝөтүрүб Јерусәлимә апарды.+
8 Давуд падшаһ Һәдадзәрин Бетаһ вә Беротај шәһәрләриндән күлли мигдарда мис ҝөтүрдү.
9 Һәмәс+ падшаһы Туј ешитди ки, Давуд Һәдадзәрин бүтүн ордусуну мәғлуб едиб.+
10 Туј Давуддан һал-әһвал тутмаг, Һәдадзәрлә дөјүшдә галиб ҝәлмәси мүнасибәтилә ону тәбрик етмәк үчүн оғлу Јурамы онун јанына јоллады. (Чүнки Һәдадзәр тез-тез Тујла дөјүшүрдү.) О, Давуда ҝүмүшдән, гызылдан, мисдән бәхшишләр ҝәтирди.
11 Давуд падшаһ бу бәхшишләри диҝәр гызыл вә ҝүмүшлә бирҝә Јеһова үчүн ајырды. Бу гызыл-ҝүмүшү өзүнә табе етдији халглардан:+
12 Арамдан, Муабдан+, әмуниләрдән, филиштлиләрдән+, әмалигәләрдән+ вә Собаһ падшаһы Рәһуб оғлу Һәдадзәрдән гәнимәт ҝөтүрмүшдү.+
13 Давуд Дуз вадисиндә 18 000 әдумини гырыб гајыданда да шөһрәтләнди.+
14 О, Әдумда кешикчи дәстәләри јерләшдирди. Әдумун һәр тәрәфиндә кешикчи дәстәләри јерләшдирди вә әдумиләр Давуда гуллуг етмәјә башладылар.+ Давуд һара ҝедирдисә, Јеһова она гәләбә верирди.+
15 Давуд бүтүн Исраил үзәриндә һакимијјәт сүрүрдү.+ О, бүтүн халга һагг-әдаләтлә+ рәһбәрлик едирди.+
16 Сәрја оғлу Јуаб+ орду башчысы иди. Әхилуд оғлу Јәһушафат+ салнамәчи иди.
17 Әхитуб оғлу Садыг+ вә Әбјатар оғлу Әхимәлик каһин иди, Сәрәјаһ исә катиб иди.
18 Јәһјадај оғлу Бәнаји+ кәритиләрин вә фәләслиләрин+ башчысы иди. Давудун оғуллары исә баш әјанлар идиләр.
