2 Коринфлиләрә 4:1—18
4 Бизә ҝөстәрилән мәрһәмәт сајәсиндә белә бир хидмәтимиз вар. Буна ҝөрә дә биз руһдан дүшмүрүк.
2 Биз абырсыз ишләри, ҝизлиндә ҝөрүлән әмәлләри рәдд едир, һијләҝәрликлә һәрәкәт етмир, Аллаһын сөзүнү тәһриф етмирик,+ әксинә, инсанлара һәгигәти ачыб Аллаһын гаршысында һәр инсанын виҹданы үчүн јахшы өрнәк олуруг.+
3 Әҝәр тәблиғ етдијимиз мүждә өртүлүдүрсә, мәһв јолунда оланлар үчүн өртүлүдүр.
4 Бу дөврүн* аллаһы+ бу имансызларын зеһнини кор едиб+ ки, онлар Аллаһын бәнзәри олан Мәсиһ+ һаггындакы шанлы мүждәнин нуруну ҝөрмәсинләр.+
5 Биз тәблиғ едәндә өзүмүз һаггында јох, Мәсиһ Исанын Аға олдуғу, бизим дә онун хатиринә сизин гулунуз олдуғумуз барәсиндә тәблиғ едирик.
6 Чүнки Аллаһ белә бујуруб: «Гој зүлмәтдә ишыг парласын».+ Аллаһ үрәјимизә ишыг сачды+ вә үрәјимизи Мәсиһин үзү васитәсилә Өзү һаггындакы шанлы биликлә нурландырды.
7 Анҹаг бу хәзинәмиз+ она ҝөрә сахсы габларда+ сахланылыр ки, инсан ҝүҹүндән үстүн олан ҝүҹүн өзүмүздән јох, Аллаһдан ҝәлдији бәлли олсун.+
8 Бизи һәр тәрәфдән сыхышдырырлар, амма дивара дирәмәјибләр; чашгынлыг ичиндәјик, амма вәзијјәтимиз чыхылмаз дејил*;+
9 бизи тәгиб едирләр, амма тәк дејилик;+ бизи вуруб јерә сәрибләр, амма мәһв едилмәмишик.+
10 Биз Исаја чәкдирилән изтираблары һәмишә бәдәнимиздә дашыјырыг+ ки, онун һәјаты бизим бәдәнимиздә тәзаһүр олунсун.
11 Бәли, Исанын һәјаты бизим фани бәдәнимиздә тәзаһүр олунсун дејә, сағ олан бизләр Исаја ҝөрә даима өлүмлә үз-үзә дуруруг.+
12 Буна ҝөрә дә өлүм биздә, һәјат исә сиздә фәалијјәт ҝөстәрир.
13 Белә јазылыб: «Иман етдијим үчүн данышдым».+ Биз дә ејни иман руһуна саһиб олдуғумуз үчүн иман едиб данышырыг
14 вә билирик ки, Исаны дирилдән Аллаһ ону дирилтдији кими, бизи дә дирилдиб сизинлә бәрабәр онун һүзуруна ҝәтирәҹәк.+
15 Бүтүн бунлар сизин үчүндүр. Тәки Аллаһын зәнҝин лүтфү даһа чох адамын шүкүр етмәси сајәсиндә даһа да бол олсун вә беләҹә, Аллаһ шәрәфләнсин.+
16 Буна ҝөрә дә биз руһдан дүшмүрүк, заһирән солсаг да, дахилән ҝүнбәҝүн јениләширик.
17 Чүнки чәкдијимиз әзијјәтләр гысамүддәтли вә јүнҝүл олса да, бизә даһа мөһтәшәм вә әбәди ҹалал ҝәтирәҹәк.+
18 Биз ҝөзүмүзү ҝөрүнән јох, ҝөрүнмәјән шејләрә дикмишик,+ чүнки ҝөрүнән шејләр мүвәггәти, ҝөрүнмәјән шејләр исә әбәдидир.
