2 Коринфлиләрә 6:1—18
6 Биз Онунла бирликдә чалышараг+ һәм дә сизә јалварырыг: Аллаһын лүтфүнү аландан сонра елә јашајын ки, бу лүтф һәдәр ҝетмәсин.+
2 Чүнки О, белә дејир: «Илтифат вахты сәни ешитдим вә хилас ҝүнү сәнә көмәк етдим».+ Мәһз инди илтифат вахтыдыр! Инди хилас ҝүнүдүр!
3 Хидмәтимиздә гүсур тапылмасын дејә, биз иман јолунда кимисә бүдрәдән бир иш ҝөрмүрүк,+
4 өзүмүзү һәр ҹәһәтдән Аллаһын хидмәтчиләри кими ҝөстәририк:+ чохлу сынаглара дөзмәкдә, әзаб-әзијјәтдә, еһтијаҹ ичиндә оланда, чәтинликләрлә үзләшәндә,+
5 дөјүләндә, дустагханаларда+, иғтишашларда, зәһмәтә гатлашанда, јухусуз ҝеҹәләрдә, аҹ галанда+,
6 паклыгла, биликлә, сәбирлә+, хејирхаһлыгла+, мүгәддәс руһла, ријасыз мәһәббәтлә+,
7 доғру сөзләрлә, Аллаһын ҝүҹү илә+, сағ вә сол әлдә тутдуғумуз салеһлик јараглары+ илә*,
8 шәрәфдә вә һөрмәтсизликдә, тәнгиддә вә тәрифдә. Бизи фырылдагчы сајырлар, амма биз дүрүст адамларыг;
9 санки, намәлумуг, амма танынырыг; санки, өлүрүк, амма бахын, сағ-саламатыг+; санки, ҹәза чәкирик, амма өлүмә мәһкум едилмәмишик;+
10 санки, кәдәрлијик, амма һәмишә севинирик; санки, јохсулуг, амма чохларыны варландырырыг; санки, һеч нәјимиз јохдур, амма һәр шејә саһибик.+
11 Еј коринфлиләр! Биз сизинлә ачыг данышырыг, үрәјимизи сизин үчүн ҝениш ачмышыг.
12 Бизим гәлбимиздә сизин јериниз вар.+ Бәс һаны сизин гәлбиниздә бизим јеримиз?
13 Бунун мүгабилиндә (сизә бир өвладым кими мүраҹиәт едирәм) сиз дә үрәјинизи ҝениш ачын.+
14 Имансызларла ејни бојундуруға ҝирмәјин.+ Ахы салеһликлә ганунсузлуг арасында нә әлагә ола биләр?+ Јахуд нурла зүлмәт арасында нә ортаглыг ола биләр?+
15 Мәсиһлә Белиал*+ арасында нә ујғунлуг ола биләр? Јахуд иманлы илә имансызын шәрикли нәји ола биләр?+
16 Бүтләрин Аллаһын мәбәдиндә нә иши ола биләр?+ Биз вар олан Аллаһын мәбәдијик.+ Аллаһ Өзү белә дејиб: «Мән онларын арасында јашајаҹағам+ вә онларла олаҹағам. Мән онларын Аллаһы олаҹағам, онлар да Мәним халгым олаҹаглар».+
17 «Јеһова белә дејир: “Буна ҝөрә дә онларын арасындан чыхын, ајрылын вә бир дә мурдар шејләрә тохунмајын”»,+ «вә Мән сизи гәбул едәҹәјәм».+
18 «Гадир Аллаһ Јеһова белә дејир: “Мән сизә Ата олаҹағам,+ сиз исә Мәним оғулларым вә гызларым олаҹагсыныз”».+
Һашијәләр
^ Еһтимал ки, сағ әлдәки һүҹум үчүн, сол әлдәки мүдафиә үчүн ишләнирди.
^ Ибрани дилиндә јарамаз мәнасыны верән сөздән јараныб. Шејтана аид ишләнир.
