2 Салнамәләр 21:1—20
21 Јәһушафат ата-бабаларына говушуб Давуд шәһәриндә ата-бабаларынын јанында дәфн олунду. Оғлу Јәһурам онун јеринә тахта чыхды.+
2 Онун гардашлары, Јәһушафатын оғуллары бунлар иди: Әзрија, Јәһјил, Зәкәријјә, Әзрија, Микајыл вә Шәфәтај. Бунлар Исраил падшаһы Јәһушафатын оғуллары иди.
3 Јәһушафат онлара чохлу һәдијјәләр — гызыл, ҝүмүш вә башга гијмәтли әшјалар, һәмчинин Јәһудада гала-шәһәрләр+ бағышлады. Сәлтәнәти исә Јәһурама+ верди, чүнки о, илк оғул иди.
4 Јәһурам атасынын тахтында отурду. О, бүтүн гардашларыны, еләҹә дә Исраилдә бир нечә әмири гылынҹдан кечириб+ өз мөвгејини мөһкәмләндирди.
5 Јәһурам падшаһ оланда отуз ики јашында иди вә сәккиз ил Јерусәлимдә һакимијјәт сүрдү.+
6 О, Әһәб евиндән оланлар кими, Исраил падшаһларынын јолу илә ҝетди,+ чүнки онун арвады Әһәбин гызы иди.+ Јәһурам Јеһованын бәјәнмәдији пис ишләр ҝөрүрдү.
7 Амма Јеһова гулу Давудла кәсдији әһд наминә+ Давудун нәслини мәһв етмәк истәмәди, чүнки О, Давуда сөз вермишди ки, онун вә оғулларынын чырағы һеч вахт сөнмәјәҹәк.+
8 Онун дөврүндә әдумиләр Јәһудаја гаршы үсјан галдырыб+ үзәрләринә падшаһ гојдулар.+
9 Јәһурам сәркәрдәләри вә ҹәнҝ арабалары илә Әдума кечди. О, ҝеҹә икән галхыб ону вә араба башчыларыны мүһасирәјә алан әдумиләри мәғлуб етди.
10 Лакин Әдум бу ҝүнә гәдәр Јәһудаја табе олмур. Һәмин вахт Либна+ да Јәһурама гаршы үсјан етди, чүнки о, ата-бабаларынын Аллаһы Јеһованы тәрк етмишди.+
11 Һәмчинин Јәһуда дағларында сәҹдәҝаһлар+ дүзәлдиб Јерусәлим сакинләрини Аллаһа хәјанәтә сүрүкләмиш вә Јәһуданы јолдан чыхармышды.
12 Она Илјас+ пејғәмбәрдән бир намә ҝәлди. Намәдә јазылмышды: «Улу бабан Давудун Аллаһы Јеһова белә дејир: “Сән атан Јәһушафатын+ вә Јәһуда падшаһы Асанын+ јолу илә ҝетмирсән.
13 Исраил падшаһларынын јолу илә ҝедиб+ Јәһуданы вә Јерусәлим сакинләрини Әһәб еви кими хәјанәтә+ сөвг едирсән. Сән һәтта өзүндән јахшы олан гардашларыны, атанын оғулларыны да гәтлә јетирмисән.+
14 Буна ҝөрә дә Мән Јеһова сәнин халгына, оғулларына, арвадларына вә мал-мүлкүнә ағыр зәрбә ендирәҹәјәм.
15 Сән исә чохлу хәстәлијә дүчар олаҹагсан, бағырсаг хәстәлијинә тутулаҹагсан, ҝетдикҹә хәстәлијин о гәдәр шиддәтләнәҹәк ки, ахырда бағырсагларын төкүләҹәк”».
16 Сонра Јеһова филиштлиләри+ вә һәбәшләрин гоншулуғунда јашајан әрәбләри+ Јәһурама гаршы галдырды.+
17 Онлар Јәһудаја сохулуб падшаһын евини талан етдиләр,+ оғулларыны, арвадларыны апардылар. Тәкҹә падшаһын кичик оғлу Јәһәз* галды.+
18 Бундан сонра Јеһова Јәһурамы сағалмаз бағырсаг хәстәлијинә мүбтәла етди.+
19 Арадан ики ил кечди, хәстәлик үзүндән онун бағырсаглары төкүлдү. О, әзаб чәкә-чәкә өлдү. Јәһурамын ата-бабалары үчүн бухур јандыран халг онун үчүн бухур јандырмады.+
20 Јәһурам падшаһ оланда отуз ики јашында иди вә сәккиз ил Јерусәлимдә һакимијјәт сүрдү. Һеч ким онун өлүмүнә һејифсиләнмәди. Ону Давуд шәһәриндә дәфн етдиләр,+ амма падшаһ гәбиристанлығында дәфн етмәдиләр.+
Һашијәләр
^ Диҝәр ады Әһәзја.
