2 Салнамәләр 23:1—21
23 Једдинҹи илдә каһин Јәһјадај ҹәсур аддым атараг јүзбашыларла+ — Јәраһим оғлу Әзрија, Јәһукәнан оғлу Исмајыл, Абид оғлу Әзрија, Адај оғлу Мәсејјә вә Зәкри оғлу Әлсәфатла сазиш бағлады.
2 Сонра онлар бүтүн Јәһуданы долашыб Јәһуданын бүтүн шәһәрләриндән лавилиләри+ топладылар. Һәмчинин Исраилин нәсил башчыларыны чағырдылар. Һамысы Јерусәлимә ҝәлди.
3 Бүтүн иҹма Аллаһын евиндә падшаһла әһд бағлады.+ Јәһјадај онлара деди:
«Јеһованын Давуд оғуллары илә бағлы вердији вәдә әсасән, падшаһын оғлу тахтда отураҹаг.+
4 Белә едәҹәксиниз: шәнбә ҝүнү нөвбә чәкән каһинләрин вә лавилиләрин үчдә бири гапыда кешик чәкәҹәк,+
5 үчдә бириниз падшаһын сарајында+, үчдә бириниз Тәмәл дарвазасынын јанында олаҹаг. Бүтүн ҹамаат исә Јеһованын евинин һәјәтләриндә+ дураҹаг.
6 Хидмәтини иҹра едән каһинләрдән вә лавилиләрдән башга һеч кими Јеһованын евинә ҝирмәјә гојмајын.+ Онлар мүгәддәс олдуглары үчүн ичәри ҝирә биләрләр. Ҹамаат исә Јеһованын гаршысында дашыдыглары мәсулијјәти јеринә јетирсин.
7 Лавилиләр әлләриндә силаһ падшаһы әһатәјә алсын, мәбәдә ҝирән өлдүрүлсүн. Падшаһ һара ҝетсә, онун јанында олун».
8 Лавилиләр вә бүтүн јәһудалылар һәр шеји каһин Јәһјадајын дедији кими етдиләр. Һәр бири шәнбә ҝүнү нөвбәдә олан вә нөвбәдә олмајан адамларыны ҝөтүрдү.+ Чүнки каһин Јәһјадај бөлүкләрин һеч бирини нөвбәдән азад етмәмишди.+
9 Каһин Јәһјадај јүзбашылара+ Давуд падшаһын Аллаһын евиндәки+ низәләрини, кичик галханларыны вә дәјирми галханларыны пајлады.+
10 Халгы әлиндә силаһ сарајын сағ тәрәфиндән сол тәрәфинә гәдәр һәр јанда, гурбанҝаһын јанында, мәбәдин јанында, падшаһын дөврәсиндә јерләшдирди.
11 Сонра онлар шаһзадәни+ бајыра чыхардылар, таҹы вә Шәһадәти*+ онун башына гојдулар. Јәһјадај вә оғуллары шаһзадәни падшаһлыға мәсһ едиб: «Јашасын падшаһ!»+ — дедиләр.
12 Әтәлја гачан, падшаһа алгыш охујан адамларын сәсини ешидәндә дәрһал Јеһованын евиндәки ҹамаатын јанына ҝәлди.+
13 Ҝөрдү ки, падшаһ ҝиришдә, өз сүтунунун јанында дуруб, әјанлар+ вә кәрәнајчылар падшаһын јанындадыр. Өлкәнин бүтүн халгы севиниб+ кәрәнај чалырды. Мусиги аләтләриндә чала-чала мәзмур охујанлар падшаһы алгышлајан халга рәһбәрлик едирдиләр. Онда Әтәлја јахасыны ҹырыб чығырды: «Хәјанәт! Хәјанәт!»
14 Каһин Јәһјадај гошуна башчылыг едән јүзбашылары ҝөндәриб әмр етди: «Ону сәфләрин арасындан чыхарын. Ким онун далынҹа ҝетсә, гылынҹдан кечирин!» Чүнки каһин демишди: «Ону Јеһованын евиндә өлдүрмәјин».
15 Әтәлјаны тутдулар вә сарајын Ат дарвазасына ҝәтириб өлдүрдүләр.
16 Јәһјадај өзү илә халг вә падшаһ арасында әһд кәсди, онлар сөз вердиләр ки, һәмишә Јеһованын халгы олаҹаглар.+
17 Бундан сонра бүтүн өлкә ҹамааты Баал бүтханасына ҝедиб ону дағытды.+ Онун гурбанҝаһларыны вә бүтләрини парча-парча етдиләр,+ Баал каһини+ Маттаны гурбанҝаһларын гаршысында өлдүрдүләр.
18 Каһин Јәһјадај каһинләри вә лавилиләри Јеһованын евинә нәзарәтчи гојду. Әввәлләр Давуд бөлүкләринә ҝөрә онлары Јеһованын евиндә нәзарәтчи гојмушду, онлар Мусанын Ганунуна ујғун олараг,+ Јеһоваја јандырма гурбанлары ҝәтирирдиләр+ вә буну Давудун тапшырдығы кими севинҹ ичиндә, мәзмур охујараг едирдиләр.
19 Јәһјадај һәмчинин Јеһованын евинин дарвазаларына кешикчиләр+ гојду ки, һәр һансы сәбәбә ҝөрә натәмиз олмуш кимсә ора ҝирмәсин.
20 О, јүзбашылары+, әсилзадәләри, халгын башчыларыны вә бүтүн өлкә ҹамаатыны топлады. Падшаһы Јеһованын евиндән чыхарыб јухары дарвазадан падшаһ сарајына ҝәтирдиләр вә тахтда отуртдулар.+
21 Өлкәнин бүтүн халгы севиниб-шадланырды. Шәһәрдә динҹлик бәргәрар олду, чүнки Әтәлјаны гылынҹдан кечириб өлдүрмүшдүләр.
Һашијәләр
^ Еһтимал ки, бу, Аллаһын ганунлары јазылмыш тумар иди.
