Әҝәр шәхсән өзүнүз бунунла үзләшмәмисинизсә, онда јәгин ки, нифрәтә туш ҝәлән инсанларла растлашмысыныз. Үстәлик, тез-тез иргинә, миллијјәтинә, јахуд ҹинси оријентасијасына ҝөрә кимләринсә нифрәтә мәруз галдығы барәдә хәбәрләр ешидирик. Буна ҝөрә дә бир чох өлкәләрдә һөкумәт нифрәт зәмининдә төрәдилән ҹинајәтләрин гаршысыны алмаг үчүн ганунлар верир.

Нифрәтдән нифрәт доғур. Нифрәтә туш ҝәлән адамлар чох вахт интигам алырлар. Бу исә гаршылыглы нифрәт зәнҹири јарадыр.

Ола билсин, сиз дә гәрәзлә, ҹәмијјәтдә дәрин көк салмыш бахышларла, ришхәндлә, тәһгирләрлә вә тәһдидләрлә үзләшмисиниз. Анҹаг нифрәт тәкҹә бу кими шејләрлә өзүнү бүрузә вермир. Чох вахт нифрәт агрессијаја, мәсәлән, шиддәтә, тәҹавүзә, гәтлә, һәтта сојгырыма сәбәб олур.

Бу журналда нөвбәти суаллара ҹаваб тапаҹагсыныз вә өјрәнәҹәксиниз ки, нифрәтә неҹә галиб ҝәлмәк олар.

• Нәјә ҝөрә нифрәт дүнјаны ҹәнҝинә алыб?

• Нифрәт зәнҹирини неҹә гырмаг олар?

• Нифрәтин олмадығы бир дүнја мүмкүндүрмү?