1. 1. ШЕЈТАН ИБЛИС. Бу ҝүн дүнјаны чулғајан нифрәтә ҝөрә әсас мәсулијјәти Шејтан дашыјыр. Аллаһ һәм Шејтаны, һәм дә шејтан хисләтли инсанлары мәһв едәҹәк (Зәбур 37:38; Ромалылара 16:20).

2. 2. ШЕЈТАНЫН НИФРӘТ ДОЛУ ДҮНЈАСЫ. Аллаһ бу дүнјада нифрәти аловландыран һәр шеји, о ҹүмләдән сијаси вә дини рәһбәрләри мәһв едәҹәк. Аллаһ һәмчинин тамаһкар коммерсија системинә, онун фырылдагчылығына, гәсбкарлығына сон гојаҹаг (2 Бутрус 3:13).

3. 3. ҜҮНАҺ, ГЕЈРИ-КАМИЛЛИК. Мүгәддәс Китабда дејилир ки, бүтүн бәшәр гејри-камиллији мирас алыб, јәни јанлыш дүшүнҹәләрә, һиссләрә вә ҝүнаһа мејиллидир (Ромалылара 5:12). Башгаларына нифрәт бәсләмәк, бу нифрәти ифадә етмәк һәмин ҝүнаһлы мејилләрдән биридир. Аллаһ инсанлара бүтүн бу ҝүнаһлы мејилләрә галиб ҝәлмәјә көмәк едәҹәк. О заман үрәкләрдә нифрәтин изи-тозу да галмајаҹаг (Әшија 54:13).

1. 1. ҺЕЧ КӘС ҺАГСЫЗЛЫГЛА ҮЗЛӘШМӘЈӘҸӘК. Дүнјаны Аллаһын Падшаһлығы идарә едәҹәк. Ҝөјдә гурулмуш бу Падшаһлыг јер үзүндә әдаләти әбәдилик бәргәрар едәҹәк (Дәнјал 2:44). Гәрәз, дөзүмсүзлүк артыг мөвҹуд олмајаҹаг. Аллаһ инсанларын үзләшдији һәр ҹүр һагсызлығы арадан галдыраҹаг (Лука 18:7).

2. 2. ҺӘР КӘС ӘМИН-АМАНЛЫГДА ЈАШАЈАҸАГ. Һеч ким мүһарибәнин ҝәтирдији ағры-аҹылары дадмајаҹаг (Зәбур 46:9). Дүнјада јалныз сүлһпәрвәр инсанлар јашајаҹаг, она ҝөрә дә Јер күрәсиндә тәһлүкәсизлик һөкм сүрәҹәк (Зәбур 72:7).

3. 3. ҺАМЫ ИДЕАЛ ШӘРАИТДӘ ӘБӘДИ ЈАШАЈАҸАГ. Јер күрәсинин бүтүн сакинләри бир-биринә сәмими мәһәббәт ҝөстәрәҹәк (Мәтта 22:39). Һеч ким нараһатлыг кечирмәјәҹәк, һәтта хошаҝәлмәз хатирәләр белә јаддашлардан силинәҹәк (Әшија 65:17). Һәмин вахт нифрәтдән узаг олан инсанлар «әмин-аманлығын боллуғундан һәзз алаҹаглар» (Зәбур 37:11).

Белә бир дүнјада јашамаг истәјәрдиниз? Һәтта индинин өзүндә дә чохлу инсан Мүгәддәс Китабдакы мәсләһәтләрә әмәл едәрәк нифрәтдән гуртулмағы өјрәнир (Зәбур 37:8). Бу инсанлар бүтүн дүнјада јашајан Јеһованын Шаһидләридир. Мүхтәлиф халглардан, мәдәнијјәтләрдән олсалар да, онлар бир аилә кимидир, араларында бирлик вә мәһәббәт һөкм сүрүр (Әшија 2:2—4).

Јеһованын Шаһидләри әдаләтсизлијә дөзмәклә бағлы Мүгәддәс Китабдан өјрәндикләрини мәмнунијјәтлә сизинлә бөлүшә биләрләр. Өјрәндикләриниз сајәсиндә тәдриҹән үрәјиниздән нифрәти силиб, јерини мәһәббәтлә долдура биләҹәксиниз. Бүтүн инсанларла, һәтта сизә әдавәт бәсләјән, нашүкүр кәсләрлә меһрибан давранаҹагсыныз. Бунун сајәсиндә артыг индидән һәјатдан севинҹ дујаҹагсыныз вә инсанларла мүнасибәтиниз јахшылашаҹаг. Бундан савајы, өјрәнәҹәксиниз ки, нифрәтин олмадығы бир дүнјада, Аллаһын Падшаһлығынын һакимијјәти алтында јашамаг үчүн нә етмәлисиниз (Зәбур 37:29).