НИФРӘТ ЗӘНҸИРИНИ НЕҸӘ ГЫРМАГ ОЛАР?
2 | Гисас алмајын
Тәлим:
«Һеч кимә пислик әвәзинә пислик етмәјин... Имкан дахилиндә, әлиниздән ҝәлән гәдәр һамы илә сүлһдә олмаға чалышын. Әзизләрим, сиз гисасынызы алмајын... Чүнки јазылыб: “Јеһова белә дејир: “Гисас Мәнимдир, әвәзини Өзүм верәҹәјәм”» (РОМАЛЫЛАРА 12:17—19).
Мәнасы:
Һагсызлыгла үзләшәндә гәзәбләнмәк тәбиидир. Анҹаг Аллаһ бизим гисас алмағымызы истәмир. Әксинә, истәјир ки, биз сәбирли олуб Ону ҝөзләјәк, чүнки О, тезликлә бүтүн әдаләтсизликләрә сон гојаҹағына сөз верир (Зәбур 37:7, 10).
Сиз нә едә биләрсиниз?
Инсан гисас аланда бу, нифрәт зәнҹирини даһа да узадыр. Буна ҝөрә дә кимсә сизә пислик едәндә әвәз чыхмајын. Һиссләринизи ҹиловламаға вә тәмкинлә давранмаға чалышын. Бәзән исә ән јахшысы мәсәләнин үстүндән кечмәкдир (Мәсәлләр 19:11). Сөзсүз, бәзән мәсәлә илә бағлы аидијјәти олан органлара мәлумат вермәк лазым ҝәлә биләр. Мәсәлән, әҝәр сизә гаршы ҹинајәт төрәдилибсә, бунунла бағлы полисә, јахуд диҝәр органлара шикајәт едә биләрсиниз.
Гисас алмаг мәғлубијјәтдир
Бәзән әлиниздән ҝәләни етсәниз дә, мәсәләни јолуна гојмаг мүмкүн олмур. Белә вәзијјәтдә нә едә биләрсиниз? Интигам алмајын. Бунунла вәзијјәти даһа да писләшдирәҹәксиниз. Әксинә, нифрәт зәнҹирини гырын. Мәсәләни Аллаһын өһдәсинә бурахын. Мүгәддәс Китабда дејилир: «Она ҝүвән, О, сәнин ишини һасил едәр» (Зәбур 37:3—5).
