Јараданымыз нәјин бизим хејримизә олдуғуну даһа јахшы билир. Буна ҝөрә дә, вердији нәсиһәтләрә әмәл етмәјимизи истәјир. Онун бујругларына әмәл едәндә онларын хејримизә олдуғуна шүбһә етмәјәҹәјик вә даима доғру сечимләр едәҹәјик. Нәтиҹәдә, динҹ вә фираван өмүр сүрәҹәјик.

Аллаһын бујругларына әмәл етмәк үчүн дүшүнҹәмиздә вә һәрәкәтләримиздә нәјисә дәјишмәк лазым ҝәлә биләр. Бундан савајы, Јараданымыз ҝүҹүмүзүн нәјә чатдығыны билир вә биздән чох шеј тәләб етмир. Биз Јеһованы таныдыгҹа ҝөрәҹәјик ки, «Онун әмрләри... ағыр дејил» (1 Јәһја 5:3).

Биз Аллаһын бујурдуғу кими јашаја биләрик, чүнки О бизә көмәк едәҹәк. Кәламы олан Мүгәддәс Китаб васитәсилә бизи руһландыраҹаг вә бизә үмид бәхш едәҹәк.

Дүнјанын дөрд бир јанында милјонларла инсан Мүгәддәс Китабдакы бујруглара ујғун јашамағын һәјатларыны јахшылыға доғру дәјишдијини ҝөрүбләр. Сиз дә Мүгәддәс Китабдакы фајдалы мәсләһәтләр һагда өјрәнә биләрсиниз. Буна Мүгәддәс Китаба әсасланан «Әбәди хошбәхт һәјат!» брошүрүнү арашдырмагла башлаја биләрсиниз. Брошүрү jw.org сајтындан пулсуз әлдә едә биләрсиниз. Орада бу дәрсләр јер алыр:

• Мүгәддәс Китабын сизә фајдасы

• Мүгәддәс Китаб ҝөзәл ҝәләҹәк вәд едир

• Мүгәддәс Китаба нәјә ҝөрә етибар етмәк олар?

Мүгәддәс Китабы арашдырсаныз ҝөрәҹәксиниз ки, о көһнәлмәјиб вә «һәмишә, индидән та әбәдијјәтәдәк сабитдир» (Зәбур 111:8). Орадакы өјүдләрә әмәл етмәклә һәјатда доғру сечим етмиш оларыг. Бунунла белә, Аллаһ бизи бу өјүдләрә ујғун јашамаға мәҹбур етмир (Ганунун тәкрары 30:19, 20; Јушә 24:15). Бу һәр кәсин өз сечимидир.