Америка Бирләшмиш Штатларында гасырға оланда Салли * демәк олар ки, һәр шејини итирмишди. О бөлүшүр: «Елә вәзијјәтдә идим ки, артыг дөзмәјә ҝүҹүм јох иди. Ҝүнләрлә һавалы кими ҝәзирдим».

Инсанын гәддини бүкән диҝәр бир фаҹиә доғма адамын өлүмүдүр. Австралијада јашајан Ҹени өз дәрдиндән белә данышыр: «Икинҹи оғлум да вәфат едәндә һәјатым парампарча олду. Санки дүнјамы дармадағын етмиш, виран гојмушдулар. Аллаһа јалварырдым ки, јатыб бир дә дурмајым, бу дәрдә дөзә билмирәм».

Даниел исә һәјат јолдашынын хәјанәт етдијини биләндә сарсылмышды. О дејир: «Арвадым хәјанәт етдијини етираф едәндә, санки хәнҹәрлә үрәјими дешдиләр. Үрәјими ҝөјнәдән бу дәһшәтли ағры ајларла динмәк билмирди».

«Ҝөзәтчи гүлләси» журналынын бу сајында арашдырылыр ки, нәјә ҝөрә јашамаға дәјәр. Һәјатда инсанларын үзләшдији нөвбәти вәзијјәтләр нәзәрдән кечириләҹәк:

• Тәбии фәлакәт

• Доғма инсанын вәфаты

• Һәјат јолдашынын хәјанәти

• Ағыр хәстәлик

• Дөзүлмәз һәјат

Ҝәлин илк өнҹә ҝөрәк тәбии фәлакәт баш верәндә неҹә таб ҝәтирмәк олар.