Мүталиә етмәјә һазырлашаркән өзүмүзә суал верә биләрик: «Бурадан нә өјрәнәҹәјәм?» Ола билсин, мөвзу илә бағлы бизим мүәјјән еһтималымыз олсун, амма Јеһова бизә ағлымыза ҝәлмәјән башга бир шеј дә өјрәдә биләр. Бәс ағлымызы Јеһованын бизә өјрәтмәк истәдикләринә неҹә һазырлаја биләрик?

Дуада һикмәт истәјин. Јеһовадан хаһиш един ки, сизә һал-һазырда өјрәтмәк истәдији шеји анламағыныза көмәк етсин (Јаг. 1:5). Әввәлләр өјрәндијиниз биликләрлә кифајәтләнмәјин (Мәс. 3:5, 6).

Аллаһын Кәламынын нә гәдәр ҝүҹлү олдуғуну унутмајын. «Аллаһын сөзү ҹанлы»дыр (Ибр. 4:12). Һәр дәфә Мүгәддәс Китабы охујанда Аллаһын «ҹанлы» сөзү бизә фәргли тәсир едә биләр. Бир шәртлә ки, мүталиә заманы өјрәнмәјә ачыг олаг.

Јеһованын сүфрәсиндәки һәр тәама ҝөрә миннәтдар олун. Јеһованын бәхш етдији руһани гида «јағлы хөрәкләрә» бәнзәдилир (Әшј. 25:6). Севмәдијиниз «хөрәкләрдән», јәни сизә марагсыз ҝәлән мөвзулары охумагдан имтина етмәјин. Аллаһын бәхш етдији бу руһани гидалар нәинки сизә фајда верәҹәк, һәтта онлары бәһ-бәһлә јејәҹәксиниз!