Мүгәддәс Китабы мүталиә едәндә охудугларымызы баша дүшмәк үчүн мүхтәлиф вәсаитләрин көмәји илә ахтарыш апарырыг. Бу заман мәгсәдимиз садәҹә билијимизи артырмаг олмамалыдыр. Биз Јеһованын хүсусијјәтләри барәдә инҹиләр тапыб Она севҝимизи артырмалыјыг. Бунун үчүн нөвбәти суал үзәриндә дүшүнә биләрик: «Охудуғум парчадан Јеһова Аллаһ һагда нә өјрәнирәм?»

Јеһованын ән ҝөзәчарпан хүсусијјәтләрини — мәһәббәти, һикмәти, әдаләти вә гүдрәти неҹә тәзаһүр етдирдијини ҝөрмәјә чалышын. Јеһованын башга ҝөзәл хүсусијјәтләри дә вар. Онун хүсусијјәтләри барәдә даһа чох мәлуматы һарадан тапа биләрсиниз?

«Јеһованын Шаһидләринин нәшрләри үзрә ахтарыш» вәсаитиндә «Јеһова Аллаһ» башлығы алтында «Јеһованын хүсусијјәтләри» адлы јарымбашлыға бахын. Сонра исә охудуғунуз парчада вурғуланан хүсусијјәт барәдә арашдырма апарын. (Һәмчинин «Ҝөзәтчи гүлләси нәшрләринин индекси»ндә (рус.) Јеһованын 50-дән чох хүсусијјәти садаланыб. Бунун үчүн «Јеһова» башлығы алтында «Һәр хүсусијјәт барәдә» адлы јарымбашлыға бахын.)