«Ҝөзәтчи гүлләси»нин бу ил чыхан сајларыны диггәтлә охумусунуз? Онда ҝөрүн нөвбәти суаллара неҹә ҹаваб верә биләрсиниз.

Гадынларла рәфтарда Јеһованын нүмунәсини неҹә изләјә биләрик?

Јеһова гадынлара гәрәзсиз јанашыр, кишиләри онлардан үстүн тутмур. О, гадынлары динләјир, онларын һиссләринә, нараһатлыгларына биҝанә јанашмыр. Һәмчинин гадынлара Өз ишини ҝөрмәји етибар едиб (w24.01 с. 15—16).

Ефеслиләрә 5:7 ајәсиндәки «онларла алыб-верәҹәјиниз олмасын» сөзләринә неҹә әмәл едә биләрик?

Һәвари Булус бу сөзләрлә дејирди ки, Јеһованы севмәјән, Онун нормаларына ујғун јашамағымызы чәтинләшдирән инсанларла отуруб-дурмајаг. Бу һәм ҹанлы, һәм дә сосиал шәбәкәләрдә вахт кечирдијимиз инсанлара аиддир (w24.03 с. 22—23).

Һансы јаланлардан өзүмүзү ҝөзләмәлијик?

Ола биләр, баҹы-гардашлар, пис нијјәтләри олмаса да, доғрулуғуна әмин олмадыглары мәлуматлары бизимлә бөлүшсүнләр. Танымадығымыз адамдан е-маил ала биләрик, һәмчинин дөнүкләр өзләрини һәгигәтлә марагланырмыш кими ҝөстәрә биләрләр (w24.04 с. 12).

Јеһованын Сүлејман падшаһа, һәмчинин Сәдумла Әмурәдә вә Дашгында өлән инсанлара чыхараҹағы һөкмлә бағлы нәји билирик вә нәји билмирик?

Биз Јеһованын онлары әбәдилик мәһв етдијини әминликлә дејә билмәрик. Амма ону дәгиг билирик ки, Јеһова һәр шеји ҝөрүр вә бөјүк мәрһәмәт саһибидир (w24.05 с. 3—4).

Аллаһын «Гаја» олмасы бизи нәјә әмин едир? (Ган. 32:4).

Биз Јеһоваја сығына биләрик. О, етибарлыдыр, сөзүнүн үстүндә дурур. Бундан әлавә, Јеһова сабит Аллаһдыр, О һәмишә ејнидир вә нијјәтиндән дөнмүр (w24.06 с. 26—28).

Јени јығынҹаға неҹә ујғунлаша биләрсиниз?

Јеһоваја ҝүвәнин. О, кечмишдә хидмәтчиләринә дајаг олдуғу кими сиздән дә көмәјини әсирҝәмәјәҹәк. Јени јығынҹағынызы әввәлки илә мүгајисә етмәјин. Баҹы-гардашлара гајнајыб-гарышын, јени достлуглар гурун (w24.07 с. 26—28).

Мәтта 25-ҹи фәсилдәки үч мәсәлдән нә өјрәнирик?

Гојунлар вә кечиләр һагда мәсәл сәдагәтли олмағын ваҹиблијини вурғулајыр. Ағыллы вә ағылсыз гызлар һагда мәсәл ҝөстәрир ки, һазырлыглы вә ајыг-сајыг олмалыјыг. Талант һагда мәсәл исә бизи әмәксевәр вә чалышган олмаға сәсләјир (w24.09 с. 20—24).

Сүлејманын мәбәдиндәки ејванын һүндүрлүјү нә гәдәр иди?

Бәзи гәдим әлјазмаларда 2 Салнамәләр 3:4 ајәсиндә ејванын һүндүрлүјүнүн «120 гулаҹ» олдуғу дејилир, бу исә 53 метрә бәрабәрдир. Амма башга мөтәбәр мәтнләрдә «20 гулаҹ» јазылыб, јәни 9 метр. Мәбәдин диварларынын енсиз олдуғуну нәзәрә алсаг, ахырынҹысы даһа ујғундур (w24.10 с. 31).

Јығынҹаг хидмәтчиси «тәк бир гадынла евли олмалыдыр» дејиләндә нә нәзәрдә тутулур? (1 Тим. 3:12).

Бу о демәкдир ки, онун јалныз бир арвады олмалыдыр вә о, ҹинси әхлагсызлыг етмәмәлидир. Бундан әлавә, башга гадынлара јерсиз диггәт ҝөстәрмәмәлидир (w24.11 с. 19).

Нәјә әсасән дејә биләрик ки, Јәһја 6:53 ајәси Ағанын шам јемәјинин неҹә кечирилмәси барәдә дејил?

Јәһја 6:53 ајәсиндә Исанын бәдәнини јемәјин вә ганыны ичмәјин ваҹиблијиндән данышылыр. Иса бу сөзләри ерамызын 32-ҹи илиндә демишди. О бу сөзләри Ҹәлиләдә она иман етмәјән јәһудиләрә үнванламышды. Амма Ағанын шам јемәји бир ил сонра Јерусәлимдә тәсис олунмушду. Һәмин вахт Иса онунла бирликдә ҝөјдә һакимијјәт сүрәҹәк кәсләрлә бирликдә иди (w24.12 с. 10—11).