МУСАНЫН ганунунда Јеһоваја һәм гумру гушу, һәм дә ҝөјәрчин гурбаны ҝәтирмәк мәгбул һесаб олунурду. Гурбанла бағлы ганунда бу ики гушун ады һәмишә јанашы чәкилирди вә икисиндән бирини ҝәтирмәк оларды (Лав. 1:14; 12:8; 14:30). Бу ганунун һансы мүсбәт ҹәһәти вар иди? Бир мүсбәт ҹәһәти о иди ки, гумру гушуну истәнилән вахт тапмаг мүмкүн дејилди. Нәјә ҝөрә?

Көчәри гушлар олан гумру гушлары илин мүлајим фәсилләриндә Исраил әразисиндә јашајыр. Һәр ил октјабр ајында онлар ҹәнуба, мүлајим иглимли өлкәләрә көч едир, јазда исә јенидән Исраилә гајыдыр (Нәғ. 2:11, 12; Әрм. 8:7). Бу, о демәкдир ки, гәдимдә исраиллиләр үчүн гышда гумру гушу гурбаны ҝәтирмәк мүшкүл мәсәлә иди.

Ҝөјәрчинләр исә адәтән көч етмәјән гушлардыр. Она ҝөрә дә Исраилдә онлары бүтүн ил боју тапмаг мүмкүн иди. Бундан әлавә, ҝөјәрчинләри евдә дә сахлајырдылар. (Јәһја 2:14, 16 ајәләри илә әлагәләндирин.) Бир китабда дејилир ки, «Фәләстинин һәр кәндиндә, һәр шәһәриндә евдә сахланылан ҝөјәрчинләр олуб. Һәр ев саһибинин евиндә ҝөјәрчин јувасы, јахуд диварда гушларын јашамасы үчүн дәлик олурду» («Bible Plants and Animals»). (Әшија 60:8 ајәси илә әлагәләндирин.)

Бурадан Јеһованын неҹә мәһәббәтли вә анлајышлы Аллаһ олдуғуну ҝөрүрүк. О, исраиллиләрдән бүтүн ил боју раһатлыгла тапа биләҹәкләри гушларын гурбанлығыны гәбул едирди.