Һамынын мүталиә үчүн вахты мәһдуддур. Бу вахтдан неҹә сәмәрәли истифадә едә биләрик? Биринҹиси, тәләсмәдән охумаг үчүн кифајәт гәдәр вахт ајырын. Тез-тәләсик чох шеј охумагданса, аз охујун, амма саз охујун.

Сонра даһа ваҹиб материаллары мүәјјән един (Ефес. 5:15, 16). Нөвбәти тәклифләр карыныза ҝәлә биләр:

• Һәр ҝүн Мүгәддәс Китабы охујун (Зәб. 1:2). Һәфтәичи ҝөрүшдә арашдырылаҹаг фәсилләрдән башлаја биләрсиниз.

• «Ҝөзәтчи гүлләси»нин мүзакирәсинә вә һәфтәичи ҝөрүшә һазырлашын. Шәрһ вермәјә һазыр олун (Зәб. 22:22).

• Чалышын диҝәр руһани гидалара да вахт ајырасыныз, мәсәлән, видеолара бахын, jw.org сајтында чыхан мәгаләләри вә күтләви нәшрләри охујун.

• Истәдијиниз мөвзуда арашдырма апарын. Үзләшдијиниз проблем, сиздә јаранан һансыса бир суал вә ја даһа јахшы баша дүшмәк истәдијиниз мөвзу барәдә арашдырма апара биләрсиниз. jw.org сајтында јерләшән «Аллаһын Кәламындан билијини артыр» бөлмәсиндә мараглы тәклифләр вар.