«Өзүмү дәјәрсиз һисс едәндә Јеһова JW телевизијасындакы нәғмәләр васитәсилә мәни руһландырыр» (Лорејн, АБШ).

«Руһани маһнылар» һәмишә мәсиһи ибадәтинин бир һиссәси олуб (Кол. 3:16). Бу нәғмәләри әзбәрләсәниз, нәғмә китабчаныз вә ја електрон ҹиһазыныз јанынызда олмајанда белә онларын көмәјини ҝөрәҹәксиниз. Ашағыдакы мәсләһәтләр сизә онлары әзбәрләмәјә көмәк едәҹәк.

• Нәғмәнин сөзләрини диггәтлә охујуб мәнасыны баша дүшүн. Инсана баша дүшдүјү шеји јадда сахламаг даһа асан олур. jw.org сајтында ушаглар үчүн олан маһнылар да дахил олмагла, бүтүн нәғмәләримизин вә маһныларымызын сөзләри јерләшир. «Китабхана» башлығы алтында «Мусиги» бөлмәсинә дахил олун.

• Нәғмәнин сөзләрини вәрәгә јазын. Бунун сајәсиндә сөзләри јаддашыныза һәкк етмәк даһа асан олаҹаг (Ган. 17:18).

• Уҹадан мәшг един. Нәғмәни дәфәләрлә охујун.

• Јаддашынызы јохлајын. Вәрәгә бахмадан сөзләри јадыныза салмаға чалышын. Сонра да јадынызда дүз галыб-галмадығыны јохлајын.