Јәгин, бир чохлары кими сизә дә охудугларынызы јадда сахламаг чәтин олур. Бәс фикир вермисиниз, Исанын чәкдији нүмунәләр, истифадә етдији бәдии тәсвирләр адамын јадына тез дүшүр? Чүнки онлары ағлымызда ҹанландыра билирик вә буна ҝөрә дә онлар асан јадда галыр. Ејнилә сиз дә өјрәндикләринизи хәјалынызда ҹанландырсаныз, даһа чох шеј јадынызда галаҹаг. Бәс буну неҹә етмәк олар? Өјрәндикләринизин шәклини чәкмәклә.

Инсан өјрәндији јени шејләрин рәсмини чәкәндә ону даһа јахшы јадда сахлајыр. Бунун сајәсиндә тәкҹә ајры-ајры сөзләр јох, һәмчинин мүҹәррәд фикирләр вә анлајышлар да јадда галыр. Адәтән бу шәкилләр рәсм әсәриндән чох, ҹызма-гараја бәнзәјир. Тәҹрүбә ҝөстәрир ки, јашлы инсанлар бу үсулун фајдасыны даһа чох ҝөрүр.

Бәлкә, нөвбәти дәфә мүталиә едәндә өјрәндијиниз бәзи шејләрин шәклини чәкәсиниз? Өзүнүз дә мәәттәл галаҹагсыныз ки, нә гәдәр шеј јадынызда галыб!