Мүгәддәс Китабы охујуб, орадакы мәсләһәтләрә әмәл етмәјин чохларына бөјүк фајдасы дәјиб. Ҝәлин бу һагда онларын өз дилиндән ешидәк.

«Һәјатым гајдасына дүшүб. Әгли вә емосионал вәзијјәтим јахшылашыб. Инди һәјата даһа никбин бахырам» (Фиона).

«Мүгәддәс Китабы өјрәнәндә мән һәјатын әсл мәнасыны, мәгсәдини тапдым» (Гнитко).

«Һәјатым јердән ҝөјә гәдәр јахшылыға доғру дәјишиб. Инди мән садә јашајырам, аиләмлә даһа чох вахт кечирирәм» (Ендрју).

Бу кими нүмунәләр аз дејил. Дүнјанын һәр јериндән олан инсанлар тәсдиг едә биләр ки, Мүгәддәс Китабда ҝүндәлик һәјат үчүн чохлу мәсләһәтләр вар.

Ҝәлин ҝөрәк Мүгәддәс Китаб инсанлара һәјатын нөвбәти саһәләриндә неҹә көмәк едә биләр.

• Физики сағламлыг

• Емосионал сағламлыг

• Аилә вә достлуг

• Мадди вәзијјәт

• Руһанилик

Нөвбәти мәгаләләри охујанда әмин олаҹағыг ки, Мүгәддәс Китаб садәҹә дини китаб дејил, о, инсана һәјатда хошбәхт јашамаға көмәк едир.