Бу суалын ҹавабы һәјата бахышымыза тәсир едир.

Дүнјада бу ҹүр ҝөзәлликләр јарадан Аллаһын бизи изтираблара тәслим етмәси нә дәрәҹәдә мәнтигәујғундур?

Диндар олмајан инсанлар әзабларын сәбәбини ја Аллаһын инсанлары севмәдији илә, ја да Онун үмумијјәтлә мөвҹуд олмадығы илә әлагәләндирир. Онлара ҝөрә, 1) Аллаһ әзаблара сон гојмаға гадир дејил, 2) Аллаһ изтирабларымыза лагејд јанашыр, јахуд 3) Аллаһ јохдур.

Бәс бунун башга изаһы ола билмәз?

Аллаһ бизи әзаб чәкмәк үчүн јаратмајыб.

О, хошбәхт олмағымызы истәјир.

«Онлар [инсанлар] үчүн ән јахшы шеј өмүр боју севинмәк вә јахшы иш ҝөрмәкдир; һәм дә һәр кәс јејиб-ичмәли вә зәһмәтиндән һәзз алмалыдыр. Бу, Аллаһын бәхшишидир» (ВАИЗ 3:12, 13).

Аллаһ Адәмлә Һәвваја хошбәхт өмүр сүрмәк үчүн һәр шеј бәхш етмишди.

Аллаһ истәмирди ки, нә онлар, нә дә онларын ҝәләҹәк нәсли әзаб чәксин.

«Аллаһ онлара хејир-дуа верәрәк деди: “Төрәјиб чохалын, бүтүн јер үзүнү долдурун вә она саһиб олун”» (ЈАРАДЫЛЫШ 1:28).

Адәмлә Һәвва Аллаһын итаәтиндән чыхды.

Бунун нәтиҹәсиндә һәм өзләрини, һәм дә бүтүн ҝәләҹәк нәсилләрини изтираблара мүбтәла етдиләр.

«Ҝүнаһ бир адам васитәсилә, өлүм дә ҝүнаһ васитәсилә дүнјаја ҝирди. Беләҹә, өлүм бүтүн адамлара кечди, чүнки һамы ҝүнаһ ишләјиб» (РОМАЛЫЛАРА 5:12) *.

Инсан Аллаһын ҝөстәрдији јолла ҝетмәлидир, өз билдији кими јашаја билмәз. Аллаһ инсана бу баҹарығы вермәјиб.

Инсан сујун алтында јашамаг үчүн јарадылмадығы кими, башгаларыны идарә етмәк үчүн дә јарадылмајыб.

«Аддымларыны јөнәлтмәк инсанын ихтијарында дејил» (ӘРӘМЈА 10:23).

Аллаһ бизим әзаб чәкмәјимизи истәмир.

О бизим проблемләрдән мүмкүн гәдәр узаг олмағымызы истәјир.

«Каш әмрләримә диггәт јетирәјдин! Онда әмин-аманлығын чај кими... оларды» (ӘШИЈА 48:18).