Гәрәз һисси инсанын үрәјиндән тез бир заманда јох олмур. Неҹә ки, вирусун организмдән тәмизләнмәси үчүн һәм вахт кечмәлидир, һәм дә тәдбир ҝөрмәк лазымдыр, еләҹә дә гәрәз һисси. Бәс гәрәздән гуртулмаг үчүн һансы тәдбирләри ҝөрмәк лазымдыр?

«Мәһәббәтә бүрүнүн, чүнки мәһәббәт инсанлар арасында камил бирлик јарадыр» (КОЛОСЛУЛАРА 3:14).

Мәнасы: Јахшылыг инсанлары бирләшдирир. Инсанлара мәһәббәт ҝөстәрдикҹә, гәрәз һисси үрәјиниздән јох олаҹаг. Үрәкдә мәһәббәт артдыгҹа орада нифрәтә вә гәрәзә јер галмајаҹаг.

Дүшүнүн, ҝөрүн мәнфи мүнасибәт бәсләдијиниз ҹәмијјәтдән олан инсанларла неҹә мәһәббәтлә даврана биләрсиниз. Бу о демәк дејил ки, онлар үчүн нәсә бөјүк шејләр етмәлисиниз. Ашағыда садалананлардан һансыныса етмәјә чалышын.

• Онларла нәзакәтлә давранын, мәсәлән, гапыны тутун, јахуд иҹтимаи нәглијјатда јер верин.

• Һәтта сизин дилинизи јахшы билмәсәләр дә, онларла бир-ики кәлмә данышын.

• Онларын давранышыны баша дүшмәсәниз дә, сәбирли олун.

• Проблемләриндән данышанда дәрдләринә шәрик олун.