Милјонларла инсан өтән мәгаләләрдәки мәсләһәтләрә әмәл етмиш вә гәрәзлә мүбаризәдә бөјүк наилијјәтләр әлдә етмишләр. Әслиндә, өз ҝүҹүмүзә гәрәздән тамамилә гуртула билмәрик. Онда елә чыхыр ки, гәрәзин чарәси јохдур?

Һөкумәтләр гәрәзи инсанларын үрәјиндән чыхармаға мүвәффәг олмајыблар. Демәли, һеч бир һөкумәт буна гадир дејил?

Гәрәзи јох етмәк үчүн һөкумәт нөвбәти аддымлары атмалыдыр:

1. 1. Инсанларда дүшүнҹә тәрзини вә башгаларына мүнасибәти дәјишмәк истәји ојатмалыдыр

2. 2. Башгалары илә әдаләтлә рәфтар етмәјә мане олан јаралары сағалтмалыдыр

3. 3. Вәтәндашлар арасында ајры- сечкилик етмәјән дүрүст рәһбәри олмалыдыр

4. 4. Бүтүн халглар арасында бирлик јаратмалыдыр

Мүгәддәс Китабда дејилир ки, Аллаһ артыг белә бир һөкумәт гуруб. Бу һөкумәт «Аллаһын Падшаһлығы» адланыр (Лука 4:43).

Ҝөрүн бу һөкумәт вәтәндашларына нәләр вәд едир:

«Јерин сакинләри салеһлији өјрәнирләр» (ӘШИЈА 26:9).

«Әсл салеһлик сүлһ ҝәтирәҹәк, әсл салеһлијин бәһрәси даими динҹлик, әмин-аманлыг олаҹаг» (ӘШИЈА 32:17).

Мәнасы: Аллаһын Падшаһлығы инсанлара доғрулуғу өјрәдәҹәк. Инсанлар дүзү сәһвдән, һаггы наһагдан ајырд етмәји өјрәнәндә бир-биринә мүнасибәтләри дә дәјишәҹәк. Һәр кәс анлајаҹаг ки, ән доғру шеј һеч кәсә фәрг гојмадан һамыны севмәкдир.

Аллаһ инсанларын «ҝөзләриндән бүтүн јашлары силәҹәк. Артыг өлүм олмајаҹаг. Нә дәрд, нә фәрјад, нә дә ағры олмајаҹаг, чүнки әввәлки шејләр кечиб ҝетди» (ВӘҺЈ 21:4).

Мәнасы: Аллаһын Падшаһлығы әдаләтсизлијин сәбәб олдуғу бүтүн ағры-аҹыја сон гојаҹаг. Кечмишдә гәрәзин гурбаны олмуш инсанларын кин бәсләмәјә сәбәби олмајаҹаг.

«Ҝөзләринин ҝөрдүјү илә һөкм етмәјәҹәк, гулағы илә ешитдијинә ҝөрә тәнбеһ етмәјәҹәк. О, фағыр-фүгәра үчүн инсафла һөкм чыхараҹаг. Дүнјадакы һәлимләрин хатиринә әдаләтлә тәнбеһ едәҹәк» (ӘШИЈА 11:3, 4).

Мәнасы: Аллаһын сәмави Падшаһлығынын рәһбәри олан Иса Мәсиһ јер үзүнү әдаләтлә вә гәрәзсиз идарә едәҹәк. О, бир халгы диҝәриндән үстүн тутмајаҹаг, бүтүн дүнјада инсанларын адил ганунлара табе олмасына нәзарәт едәҹәк.

Аллаһын Падшаһлығы инсанлара өјрәдир ки, һәмфикир олсунлар, араларында гаршылыглы мәһәббәт олсун, ҹан бир гәлбдә, јекдил олсунлар (ФИЛИППИЛИЛӘРӘ 2:2).

Мәнасы: Аллаһын Падшаһлығынын вәтәндашлары арасындакы бирлик сөздә јох, әмәлдә олаҹаг. Онлар бир-бирини үрәкдән севдикләри үчүн ҹан бир гәлбдә олаҹаглар.