Елм Каинатын вә һәјатын башланғыҹыны ашкар едә билиб? Гысаҹа десәк, хејр! Бәзиләринин фикринҹә, космолоҝија елми Каинатын башланғыҹыны мүәјјән едә биләр. Амма Дартмут Коллеҹиндә чалышан, астрономија үзрә профессор, агностик Марсело Глејзер дејир: «Биз һәлә дә Каинатын башланғыҹыны өјрәнә билмәмишик».

Ејнилә, «Сајенс Нјус» журналында дәрҹ олунмуш мәгаләдә һәјатын башланғыҹы һаггында дејилир: «Јер үзүндә һәјатын неҹә әмәлә ҝәлдијини мүәјјән етмәк гејри-мүмкүндүр. Јер күрәсинин еркән дөврләриндә баш верәнләри сүхурларын вә фосилләрин васитәсилә өјрәнмәк оларды. Анҹаг онларын әксәријјәти чохдан јоха чыхыб». Бу сөзләрдән ҝөрүнүр ки, елм «Каинат вә һәјат неҹә јараныб?» суалына һәлә ки ҹаваб вермәјиб.

Сиздә суал јарана биләр: «Бәс јахшы, јер үзүндә һәјаты ким јарадыб?» Һәмчинин сизи башга суаллар да дүшүндүрә биләр: «Әҝәр һикмәтли Јарадан варса, онда нәјә ҝөрә О, инсанларын әзаб чәкмәсинә јол верир? Нәјә ҝөрә бир-биринә зидд ҝедән бу гәдәр дин вар? Нәјә ҝөрә Аллаһ “мөмин” инсанларын пис әмәлләринә ҝөз јумур?»

Елм бу суаллара ҹаваб верә билмәз. Амма бу о демәк дејил ки, бу суалларын ҹавабы јохдур. Бир чох инсанлар суалларына Мүгәддәс Китабдан ҹаваб тапыблар.

Мүгәддәс Китабы арашдыран бәзи алимләр Јараданын варлығына инаныр. jw.org сајтына дахил олараг онларын нәјә ҝөрә белә гәнаәтә ҝәлдији барәдә охуја биләрсиниз. Сајтда «Һәјатын әмәлә ҝәлмәси» башлығы алтындакы силсилә видеолара баха биләрсиниз.