Иса пејғәмбәрин дирилмәси шаҝирдләрини әминликлә вә бөјүк шөвглә тәблиғ етмәјә тәшвиг етди. Һәвари Павел, әсас етибарилә, Кичик Асијада вә Аралыг дәнизиндә сәјаһәт едәрәк орада јығынҹаглар јарадыр вә мәсиһчиләри амансыз тәгибләрә вә мәнәви тәзјигләрә гаршы мөһкәм дурмаға тәшвиг едирди. Бу ҹүр чәтинликләрә бахмајараг, бир чох инсанлар Мәсиһин давамчысы олурду.

Павел өзү дә һәбс олунмушду. Анҹаг һәтта бурада белә о, јығынҹаглары мәктублар васитәсилә руһландырыр вә мәсләһәт верирди. О, даһа бөјүк тәһлүкә — дөнүклүк барәдә хәбәрдарлыг етмишди. Аллаһдан илһам алараг һәвари Павел билирди ки, мәсиһчи јығынҹағына һәгигәти тәһриф едән «амансыз ҹанаварлар» дахил олаҹаг вә шаҝирдләри алдадараг ардларынҹа апараҹаглар (Һәвариләрин ишләри 20:29, 30).

Дөнүклүк биринҹи әсрин сонларында башлады. Һәмин вахт дирилдилмиш Иса Мәсиһ һәвари Јәһјаја ҝәләҹәјимизлә бағлы вәһј вермишди. Јәһја сонрадан јазмышды ки, нә дүшмәнләр, нә дә јаланчы мүәллимләр Аллаһын Јер күрәсинә вә бәшәријјәтә даир нијјәтини там һәјата кечирмәсинә манечилик төрәдә билмәз. Һәр милләт, гәбилә, дил вә халг Аллаһын Падшаһлығы һагда хош хәбәри ешидәҹәк (Вәһј 14:6). Јер үзүндә Ҹәннәт бәрпа олаҹаг вә Аллаһын ирадәсини јеринә јетирән һәр кәс бу хејир-дуалары дадаҹаг.

Бәс бу сизин үчүн хош хәбәрдирми? Әҝәр беләдирсә, онда Мүгәддәс Китабда Аллаһын бәшәријјәтә даир нијјәти вә бунун сизә бу ҝүн вә ҝәләҹәкдә һансы фајданы ҝәтирәҹәји барәдә өјрәнә биләрсиниз.

Сиз Мүгәддәс Китабы www.pr418.com/az-cyrl сајтындан охуја биләрсиниз. Аллаһын Кәламы нә үчүн етибарлы бир китаб олдуғу вә орадакы практики мәсләһәтләри аиләмиздә вә шәхси һәјатымызда неҹә тәтбиг едә биләҹәјимиз һагда бу веб-сајтда јерләшән «Мүгәддәс Китаб бизә һансы хәбәри чатдырыр?», «Илаһи мүждә» брошүралары вә «Мүгәддәс Китаб әслиндә нә өјрәдир?» китабы илә јанашы диҝәр нәшрләри дә охуја биләрсиниз. Даһа чох мәлумат әлдә етмәк үчүн Јеһованын Шаһидләринә мүраҹиәт едә биләрсиниз.

«Һәвариләрин ишләри» вә «Вәһј» китабларына, еләҹә дә «Ефеслиләрә мәктуб», «Филипилиләрә мәктуб», «Колослулара мәктуб», «Филимона мәктуб», «Јәһјанын биринҹи мәктубу»на әсасланыб.