Јатан инсан нә иш ҝөрүр, нә дә ки бир шеј һисс едир. Буна ҝөрә дә өлүмү јухуја бәнзәтмәк олар. Бунунла белә Јарадан өлән инсанлары јенидән һәјата гајтара биләр. Буна сүбут олараг Аллаһ Иса пејғәмбәрә бир нечә инсаны һәјата гајтармаг үчүн дирилтмәк сәлаһијјәти вермишди. (Ваиз 9:5; Јәһја 11:11, 43, 44 ајәләрини охујун.)

Аллаһ вәд едиб ки, јаддашында олан бүтүн инсанлары Ҹәннәтдә дирилдәҹәк. Тәјин етдији вахтда өлүләри дирилтмәјә јалныз Аллаһ-Таала гадирдир. Үстәлик, һәмин вахты Јарадан һәсрәтлә ҝөзләјир. (Әјјуб 14:14, 15 ајәләрини охујун.)

Аллаһ өлән инсанлары дирилдәндә онлар дост-танышларыны, аилә үзвләрини таныјаҹаглар. Өлән инсанын бәдәни чүрүсә дә, Аллаһ һәмин адамы јени бәдәндә јаратмаға гадирдир. (1 Коринфлиләрә 15:35, 38 ајәләрини охујун.)

Чох аз сајда инсан ҝөјдә јашамаг үчүн дирилдиләҹәк (Вәһј 20:6). Дирилдилән инсанларын әксәријјәти јер үзүндә бәрпа олунаҹаг Ҹәннәтдә јашајаҹаглар. Бу, һәмин инсанлар үчүн әбәди һәјатын башланғыҹы олаҹаг. (Мәзмур 37:29; Матта 5:5; Һәвариләрин ишләри 24:15 ајәләрини охујун.)