Иса давамчыларына ҝедиб шаҝирд һазырламағы тапшырмышды (Мт 28:19). Бу ишә тәблиғ етмәк, һәмчинин тәлим вермәк дахилдир. Вахташыры өзүмүздән сорушмалыјыг: Шаҝирд һазырламаг ишинин өзәји олан бу ишләрдә неҹә пүхтәләшә биләрәм?

Биз инсанларын јанымыза ҝәлмәсини ҝөзләмәмәлијик, «лајигли адамлары» өзүмүз ахтармалыјыг (Мт 10:11). Хидмәтдә иштирак едәндә һәр фүрсәтдән истифадә едәрәк гаршымыза чыханларла сөһбәт етмәјә чалышырыг? (Һв 17:17). Һәвари Булусун ҹан-дилдән тәблиғ етмәси сајәсиндә Лидија Мәсиһин шаҝирди олду (Һв 16:13—15).

«ДУРМАДАН МҮЖДӘНИ ӨЈРӘДӘК: ГЕЈРИ-ФОРМАЛ ТӘБЛИҒ ВӘ ЕВ-ЕВ ТӘБЛИҒ» АДЛЫ ВИДЕОЈА БАХДЫГДАН СОНРА АШАҒЫДАКЫ СУАЛЛАРА ҸАВАБ ВЕРИН:

• Самуел ҝүндәлик һәјатында һәгигәт тохумуну фәал сурәтдә неҹә сәпирди?

• Нәјә ҝөрә тәблиғин бүтүн нөвләриндә иштирак етмәлијик?

• Ҝүндәлик һәјатынызда Падшаһлыг мүждәсини кимләрә чатдыра биләрсиниз?

Шаҝирд һазырламаг үчүн биз адамлара, садәҹә нәшр вермәклә кифајәтләнмәмәлијик. Руһани ҹәһәтдән инкишаф етмәләри үчүн онларла тәкрар-тәкрар сөһбәт етмәк вә Мүгәддәс Китаб дәрси кечмәк лазымдыр (1Кр 3:6—9). Бәс әҝәр кимәсә һәгигәти өјрәтмәк үчүн ҝөстәрдијимиз ҹәһдләр ҝөзләдијимиз нәтиҹәни вермирсә, онда неҹә? (Мт 13:19—22). Үрәји мүнбит торпаг кими олан адамлары ахтармаға давам етмәлијик (Мт 13:23; Һв 13:48).

«ДУРМАДАН МҮЖДӘНИ ӨЈРӘДӘК: ИҸТИМАИ ЈЕРЛӘРДӘ ТӘБЛИҒ ВӘ ШАҜИРДЛӘРӘ ТӘЛИМ ВЕРМӘК» АДЛЫ ВИДЕОЈА БАХДЫГДАН СОНРА АШАҒЫДАКЫ СУАЛЛАРА ҸАВАБ ВЕРИН:

• Соломон вә Мери Езекиеллә һәјат јолдашынын үрәјиндәки һәгигәт тохумларыны неҹә суладылар?

• Хидмәтин бүтүн нөвләриндә, еләҹә дә иҹтимаи тәблиғдә иштирак едәркән мәгсәдимиз нә олмалыдыр?

• Биз инсанлара һәгигәти өјрәтмәк ишинә даһа чох неҹә диггәт јетирә биләрик?