Әјјубун мал-мүлкү талан олуб, өвладлары һәлак олуб, өзү исә ағыр хәстәлијә мүбтәла олуб. Буна бахмајараг, о, Аллаһа садиг галыб. Буна ҝөрә дә Шејтан ону руһдан салмаг истәјир ки, о, Аллаһы дансын. Әјјубун үч досту ҝәлир. Әввәлҹә, онлар өзләрини елә ҝөстәрирләр ки, ҝуја онун һалына јанырлар. Сонра једди ҝүн сәссиз-сәмирсиз Әјјубун јанында отурурлар, она тәсәлли вермәк үчүн ағызларыны ачыб бир кәлмә дә олсун демирләр. Сонра исә ону гынамаға, ҝүнаһландырмаға башлајырлар.