Иса Мәсиһ сәмәријјәли гадынла әввәлҹә сөһбәтә башлады вә бу сөһбәтин сајәсиндә шаһидлик верди. Биз танымадығымыз адамларла сөһбәтә башламагда неҹә пүхтәләшә биләрик?

• Меһрибан олун вә данышмаға башлајын. Иса јорғун олса да, сөһбәтә башлады. Бунун үчүнсә, садәҹә ичмәјә су истәди. Сиз дә әввәлҹә достјана саламлашын, сонра һавадан, јахуд тәзәликҹә баш верән һадисәдән данышын. Унутмајын, илк мәгсәд, садәҹә сөһбәтә башламагдыр. Буна ҝөрә дә инсаны марагландыра биләҹәк мөвзудан данышын. Әҝәр гаршы тәрәф сөһбәт етмәк истәмәсә, үрәјинизи сыхмајын, башгасы илә сөһбәтә башлајын. Јеһовадан ҹәсарәт истәјин (Нә 2:4; Һв 4:29).

• Мүждәни чатдырмаг үчүн һәр фүрсәтдән истифадә един, амма тәләсмәјин. Гојун сөһбәт өз ахары илә ҝетсин. Тез-тәләсик тәблиғ етмәјә башласаныз, инсан һүркүб сөһбәти дајандыра биләр. Сөһбәт ҝөзләнилмәдән битсә вә мүждәни чатдыра билмәсәниз, кефинизи позмајын. Мүждәдән данышмаға башламаг фикри сизи горхудурса, онда бир мүддәт шаһидлик етмәк јох, садәҹә сөһбәт етмәк мәгсәди илә данышмаға башлајын. (1-ҹи видеону ҝөстәр вә мүзакирә ет.)]

• Шаһидлик етмәк үчүн шәраити бу үсулла да јаратмаг олар: иманыныз барәдә шөвглә данышын. Бу, һәмсөһбәтинизи суал вермәјә тәшвиг едә биләр. Иса да елә фикир сөјләмишди ки, сәмәријјәли гадында суаллар јаранмышды вә садәҹә бу суаллара ҹаваб вермәклә Иса она мүждәни чатдырмышды. (2-ҹи видеону ҝөстәр вә мүзакирә ет, сонра 3-ҹү видеону ҝөстәриб мүзакирә ет.)