Биз әкдијимиз һәгигәт тохумларыны суламалыјыг (1Кр 3:6). Кимсә һәгигәтә мараг ҝөстәрәндә нөвбәти дәфә мүзакирә етмәк үчүн суал галдырмалыјыг. Белә етсәк, һәмин адам ҝәлән дәфәки сөһбәти марагла ҝөзләјәҹәк вә бизә дә сөһбәтә һазырлашмаг асан олаҹаг. Нөвбәти дәфә ҝәләндә она дејә биләрик ки, кечән дәфә галдырдығымыз суала ҹаваб вермәјә ҝәлмишик.

• Ев-ев тәблиғ үчүн тәгдимә һазырлајаркән тәкрар сөһбәтдә мүзакирә етмәк үчүн суал да һазырла. Елә суал сечә биләрсән ки, ҹавабы ја тәклиф едәҹәјин нәшрдә олсун, ја да тәкрар сөһбәт заманы тәгдим етмәк истәдијин дәрс вәсаитиндә олсун.

• Мараг ҝөстәрән шәхслә сөһбәтини јекунлашдыраркән онунла јенидән сөһбәт етмәк истәдијини билдир, сонра һазырладығын суалы сөјлә. Әҝәр мүмкүндүрсә, ондан әлагә сахламаг үчүн мәлумат ал.

• Әҝәр конкрет вахтда ҝәләҹәјини демисәнсә, сөзүнүн үстүндә дур (Мт 5:37).