Исраилдә мәбәди тикмәк үчүн чохлу зәһмәт вә хәрҹ тәләб олунурду. Лакин исраиллиләр бу лајиһәни ҹанла-башла дәстәкләјирдиләр (1См 29:2—9; 2См 6:7, 8). Мәбәдин иншасы тамамландыгдан сонра исә онун вәзијјәти исраиллиләрин руһанилијини әкс етдирирди (2Пд 22:3—6; 2См 28:24; 29:3). Бу ҝүн мәсиһиләр ибадәт евләринин вә топланты залларынын иншасына, тәмизлијинә вә тәмиринә чохлу вахт вә ҝүҹ сәрф едирләр. Лакин бу мәсәләдә Јеһова илә бирҝә чалышмаг бөјүк шәрәфдир. Бу, һәм дә бизим мүгәддәс ибадәтимиздир (Зб 127:1; Вһ 7:15).

• Һәр ҝөрүшдән сонра ибадәт евини тәмизләјин. Әҝәр имканыныз мәһдуддурса, һеч олмазса, отурдуғунуз јери вә әтрафыны тәмизләјин.

• Ибадәт евинин тәмизләнмәсиндә вә тәмириндә һәмишә иштирак един. Адам нә гәдәр чох олса, иш бир о гәдәр хош вә јүнҝүл олар (lv с. 92, абз. 18).

• Мадди дәстәк олун. Һәтта үрәкдән верилән «ики хырда пул» да Јеһованын көнлүнү шад едир (Мр 12:41—44).

• Әҝәр имканыныз јол верирсә, ибадәт јерләринин тикинтисиндә вә тәмириндә көмәк един. Бунун үчүн тикинти тәҹрүбәси тәләб олунмур.