Һәвари Булус Титуса јазмышды ки, ҹаван кишиләр, еләҹә дә Титус өзү «јахшы ишләр ҝөрәрәк һәр саһәдә... нүмунә» олсун (Тт 2:6, 7). Елә һәмин фәсилдә Булус ҝөстәрмишди ки, Јеһованын халгы јахшы ишләрә ҹан атмаг үчүн тәмизләнибләр (Тт 2:14). Бу јахшы ишләрдән бири Аллаһын Падшаһлығы һаггында тәлим вермәк вә тәблиғ етмәкдир. Әҝәр сиз дә ҝәнҹсинизсә, ҝүҹүнүзү өнҹүл, көмәкчи өнҹүл кими хидмәт етмәјә сәрф едә биләрсиниз? (Мс 20:29).

Өнҹүл кими хидмәт етмәк үчүн ишләринизи дүзҝүн планлашдырын (Лк 14:28—30). Мәсәлән, тамвахтлы хидмәт едәркән өзүнүзү неҹә тәмин едәҹәксиниз? Саат нормасыны неҹә чатдыраҹагсыныз? Вәзијјәтиниз барәдә Јеһоваја дуа един (Зб 37:5). Планларынызы валидејнләринизлә вә ја өнҹүл хидмәтини уғурла иҹра едән мәсиһиләрлә мүзакирә един. Сонра исә мәгсәдинизә чатмаг үчүн аддымлар атын. Јеһова хидмәтдә чәкдијиниз зәһмәти мүтләг мүкафатландыраҹаг!

«ЈЕҺОВАЈА ШӘРӘФ ҜӘТИРӘН ҜӘНҸЛӘР» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Бәзи мәсиһиләрә өнҹүл хидмәтинә башламаға нәләр мане олурду вә онлар бу манеәләри неҹә ашдылар?

• Валидејнләр өвладларына өнҹүл олмаға неҹә көмәк едә биләрләр?

• Тәблиғ ҹәдвәли тутмаг нәјә ҝөрә ваҹибдир?

• Јығынҹаг үзвләри өнҹүлләрә неҹә көмәк едә биләр?

• Өнҹүл кими хидмәт едәнләр һансы мүкафатлары алыблар?