Нәјә ҝөрә биз Јеһованы севәнләрлә отуруб-дурмалыјыг? Чүнки үнсијјәт етдијимиз адамлар бизә ја јахшы, ја да пис тәсир едир (Мс 13:20). Мәсәлән, Јуәс падшаһ нә гәдәр ки баш каһин Јәһјадајын нәсиһәти илә отуруб-дурурду, «Јеһованын бәјәндији ишләри ҝөрүрдү» (2См 24:2). Јәһјадајын вәфатындан сонра Јуәс пис инсанларла отуруб-дурдуғуна ҝөрә Јеһовадан узаглашды (2См 24:17—19).

Ерамызын биринҹи әсриндә һәвари Булус мәсиһи јығынҹағыны бөјүк евә, јығынҹаг үзвләрини исә габлара бәнзәтмишди. Биз истәр аилә, истәрсә дә јығынҹаг үзвү олсун, Јеһоваја хош ҝетмәјән ишләрлә мәшғул олан инсанларла јахындан үнсијјәт етмәсәк, «шәрәфли мәгсәд үчүн истифадә едилән... габ» олараг галаҹағыг (2Тм 2:20, 21). Буна ҝөрә дә ҝәлин Јеһованы севән вә бизи Она хидмәт етмәјә тәшвиг едән инсанларла достлуг едәк.

«ПИС ДОСТЛУГДАН УЗАГ ДУРМАҒЫ ӨЈРӘНИН» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Пис достлуг һансы јолларла һәјатымыза дахил ола биләр?

• Видеодакы үч мәсиһијә пис достларла мүнасибәти кәсмәјә нә көмәк етди?

• Мүгәддәс Китабдакы һансы принсипләр сизә дүзҝүн достлар сечмәјә көмәк едә биләр?