НӘЈӘ ҜӨРӘ ВАҸИБДИР? Мәсһ олунмушлар вә башга гојунлар һәр ҹүр инсаны һәјат сујуну һавајы ҝөтүрмәјә дәвәт едирләр (Вһ 22:17). Бу символик су итаәткар инсанлары ҝүнаһ вә өлүмдән хилас етмәк үчүн Јеһованын ҝөрдүјү бүтүн тәдбирләри өзүнә дахил едир. Адәт-әнәнәләри, дини бахышлары мүхтәлиф олан инсанлара көмәк етмәк үчүн биз әбәди мүждәни онлара хош ҝәләҹәк тәрздә тәгдим етмәлијик (Вһ 14:6).

НЕҸӘ ЕТМӘЛИ?

• Әразиниздәки инсанларын үрәјинә тәсир едәҹәк мөвзу вә ајә сечин. Нүмунә үчүн олан тәгдиматдан, јахуд уғурлу алынан үсулдан истифадә едә биләрсиниз. Һансы мөвзулара вә ајәләрә јахшы гулаг асырлар? Һазырда инсанлар ҝүндәмдә олан һансы хәбәрләрдән данышыр? Кишиләрә вә гадынлара даһа чох һансы мөвзу мараглыдыр?

• Киминләсә данышаркән әразиниздә гәбул олундуғу кими саламлашын вә әдәб-әркан гајдаларына риајәт един (2Кр 6:3, 4)

• Хидмәт үчүн вәсаитләр бөлмәсиндәки нәшрләрлә вә видеоларла таныш олун ки, марагланан инсана ҝөстәрә биләсиниз

• Әразиниздә раст ҝәлә биләҹәјиниз дилләрдә нәшрләр вә видеолар јүкләјин

• Мөвзуну ев сакининин тәләбатына ујғунлашдырын (1Кр 9:19—23). Мәсәлән, билсәниз ки, онун јахын адамы вәфат едиб, нә дејәрсиниз?

ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Тәблиғчи әввәлҹә ев сакини илә һансы мөвзу барәдә данышырды?

• Ев сакинин һәјатында нә баш вермишди?

• Бу вәзијјәтә һансы ајә даһа чох ујғун ҝәлирди вә нәјә ҝөрә?

• Әразиниздәки инсанлара мараглы олсун дејә һансы тәгдиматы едирсиниз?