23—65 јаш арасындасыныз? Тамвахтлы хидмәтдәсиниз? Сағламлығыныз јахшыдыр? Тәблиғчијә тәләбат олан истәнилән әразидә хидмәт едә биләрсиниз? Әҝәр бу суаллара ҹавабыныз мүсбәтдирсә, Падшаһлыг Мүждәчиләри Мәктәбинә әризә јазмаг барәдә дүшүнмүсүнүз? Бу мәктәб јаранандан бәри минләрлә әр-арвад, субај баҹылар вә гардашлар мәктәбә әризә јазыб. Бунунла белә, субај гардашлара даһа чох еһтијаҹ вар. Јеһоваја дуа един ки, Ону разы салмаг вә Оғлундан өрнәк алмаг арзунузу аловландырсын (Зб 40:8; Мт 20:28; Иб 10:7). Сонра исә бу мәктәбдә охумаг үчүн ишинизи вә диҝәр өһдәчиликләринизи азалтмаг барәдә ҝөтүр-гој един.

Бу мәктәби битирдикдән сонра мәзунларын гаршысында хидмәт үчүн һансы имканлар ачылыр? Бәзиләри башга дилдә данышылан әразидә хидмәт етмәјә, јахуд ири шәһәрләрдә хүсуси иҹтимаи шаһидлик ишиндә иштирак етмәјә тәјин олунур. Диҝәрләри исә сонрадан рајон нәзарәтчисинин көмәкчиси, рајон нәзарәтчиси, јахуд хүсуси тәјинатлы мүждәчи кими хидмәт едир. Арзумуз будур ки, Јеһоваја хидмәт етмәјин үсуллары барәдә дүшүндүкҹә сиз дә Әшија пејғәмбәр кими: «Мән ҝедәрәм! Мәни ҝөндәр!» дејәсиниз (Әш 6:8).

«ХҮСУСИ ТӘЈИНАТЛЫ МҮЖДӘЧИЛӘР — БИЧИНЧИЛӘР» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Хүсуси тәјинатлы мүждәчиләр неҹә сечилир?

• Хүсуси тәјинатлы мүждәчи хидмәтинә нә дахилдир?

• Хүсуси тәјинатлы мүждәчиләрин хидмәти һансы бәһрәләри ҝәтирир?