Мүгәддәс Китаб бизи јашлы мәсиһиләрлә ата-анамыз кими, ҹаванларла исә баҹы-гардашымыз кими давранмаға сәсләјир. (1 Тимутијә 5:1, 2 ајәләрини охујун.) Хүсусилә гардашлардан ҝөзләнилир ки, баҹыларла ләјагәтлә вә һөрмәтлә рәфтар етсинләр.

Гардаш һеч вахт баҹы илә флирт етмәмәли вә баҹынын өзүнү нараһат һисс етмәсинә сәбәб олан һәрәкәтә јол вермәмәлидир (Әј 31:1). Субај гардаш субај баҹынын һиссләри илә ојнамамалыдыр, јәни баҹыја романтик һиссләр бәсләмәдији һалда онда белә тәәссүрат ојатмамалыдыр.

Баҹылар һөрмәтҹил шәкилдә нәсә сорушанда вә ја диггәт јетирилмәли мәгамлары вурғулајанда ағсаггаллар буна етинасыз јанашмамалыдыр. Ағсаггаллар һәјат јолдашы олмајан баҹылара хүсусилә диггәтли олмалыдыр. Ахы бу баҹыларын әри јохдур ки, онлары мүдафиә етсин (Рт 2:8, 9).

«ЈЫҒЫНҸАГДА ТҮКӘНМӘЗ МӘҺӘББӘТ ҜӨСТӘРИН. ЈЕТИМЛӘРӘ ВӘ ДУЛЛАРА» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Јығынҹагдакылар Су Су баҹыја неҹә фәдакар мәһәббәт ҝөстәрмишдиләр?

• Баҹы-гардашларын мәһәббәти кәнд ҹамаатына неҹә шаһидлик олду?

• Баҹы-гардашларын мәһәббәти Су Су баҹынын гызларына неҹә тәсир етди?

Бәс сиз јығынҹағыныздакы баҹыларын гејдинә неҹә гала биләрсиниз?