Мүгәддәс Китабда Јеһованын дуалара ҹаваб вердијини ҝөстәрән чохлу нүмунәләр вар. Гәдимдә јашајан мөмин инсанлар ҝөрәндә ки, Јеһова онларын дәрд-сәринә гулаг асыр, онлара көмәк едир, сөзсүз, иманлары чох мөһкәмләнирди. Буна ҝөрә дә јахшы олар ки, биз конкрет шејләр барәдә дуа едәк, сонра исә Јеһованын дуаларымыза вердији ҹавабы ҝөрмәјә чалышаг. Унутмајын ки, Јеһованын вердији ҹаваб ҝөзләдијимиздән фәргли, јахуд диләдијимиздән артыг ола биләр (2Кр 12:7—9; Еф 3:20). Јеһова бизим диләјимизә, дуамыза неҹә ҹаваб верә биләр?

• Чәтинлијә дөзмәк үчүн физики, емосионал вә ја руһани ҝүҹ верә биләр (Фп 4:13).

• Дүзҝүн гәрар вермәк үчүн һикмәт верә биләр (Јг 1:5).

• Фәалијјәт ҝөстәрмәјимиз үчүн үрәјимиздә һәм арзу ојадар, һәм дә ҝүҹ верәр (Фп 2:13).

• Нараһат вахтларымызда бизә гәлб раһатлығы верә биләр (Фп 4:6, 7).

• Башгалары васитәсилә бизә физики вә емосионал ҹәһәтдән дајаг ола биләр (1Јһ 3:17, 18).

• Һаггында дуа етдијимиз инсанлара көмәк едә биләр (Һв 12:5, 11).

«ЈЕҺОВА ДУАЛАРЫ ЕШИДӘН АЛЛАҺДЫР» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Әҝәр сәһһәтимиздә проблем варса, Такеши гардашын нүмунәси бизә неҹә көмәк едә биләр?

• Такеши гардашдан неҹә нүмунә ҝөтүрә биләрик?