Гаршымыза руһани мәгсәдләр гојуругса, демәли, ҝүҹүмүзү фајдалы ишләрә сәрф етмәк истәјирик (1Кр 9:26). Мәгсәдләр бизә көмәк едир ки, сона аз галмыш бир дөврдә вахтымыздан дүзҝүн истифадә едәк (Еф 5:15, 16). Јени хидмәт илиндә һансы мәгсәдләрә чатмаг истәјирсиниз? Буну аиләви ибадәтдә мүзакирә едә биләрсиниз. Бу ишдә сизә көмәк етмәк үчүн «Иш дәфтәри»нин бу сајында бәзи мәгсәдләрлә бағлы мәгаләләр дәрҹ едилиб. Дуа едәрәк онлары нәзәрдән кечирин (Јг 1:5).

Мәсәлән, бүтүн аилә әл-әлә вериб ән азы бир нәфәрин өнҹүл олмасына көмәк едә биләр? Әҝәр саат нормасыны чатдыраҹағыныза инанмырсынызса, сизинлә охшар шәраитдә олан өнҹүлләрлә мәсләһәтләшә биләрсиниз (Мс 15:22). Һәтта өнҹүлләрдән кимисә аиләви ибадәтинизә дәвәт едиб, онунла бу барәдә сөһбәт едә биләрсиниз. Сонра ҹәдвәл гурун. Әҝәр әввәлләр өнҹүл олмусунузса, дүшүнүн ҝөрүн инди дә шәраитиниз өнҹүл олмаға јол верир, ја јох.

Аилә үзвләриниз бир вә ја бир нечә ај көмәкчи өнҹүл ола биләр? Әҝәр ҝүҹүнүз зәифдирсә, һәр ҝүн аз-аз хидмәт едәрәк көмәкчи өнҹүл ола биләрсиниз. Ола билсин, там иш ҝүнү ишләјирсиниз, јахуд мәктәблисиниз вә буна ҝөрә дә һәфтәарасы ҝүнләрдә хидмәтә чыха билмирсиниз. О заман бајрамлар, јахуд беш һәфтәсону олан ајда көмәкчи өнҹүл ола биләрсиниз. Көмәкчи өнҹүл олмаг истәдијиниз ајлары тәгвимдә гејд един вә ҹәдвәл тәртиб един (Мс 21:5).

«ҸӘСУР ОЛУН. ӨНҸҮЛЛӘР» АДЛЫ ВИДЕОЈА БАХАНДАН СОНРА СУАЛА ҸАВАБ ВЕРИН:

• Емма баҹынын нүмунәси неҹә ҝөстәрир ки, Јеһова өнҹүл олмаг үчүн гурбанлар верән кәсләри севир вә онларын гејдинә галыр?