Руһани мәгсәдләр дејәндә Јеһоваја хидмәтдә әлимиздән ҝәләни етмәк, Онун үрәјини севиндирмәк үчүн вар ҝүҹүмүзлә чалышмаг нәзәрдә тутулур. Руһани мәгсәдләр бизә јеткин мәсиһи олмаға көмәк едир. Бу мәгсәдләрә чатмаг үчүн вахтымызы вә ҝүҹүмүзү сәрф етмәјә дәјәр (1Тм 4:15). Нәјә ҝөрә мәгсәдләримизи мүтәмади олараг нәзәрдән кечирмәлијик? Чүнки вәзијјәтимиз дәјишә биләр. Әввәлләр гојдуғумуз мәгсәд артыг бизим үчүн реал олмаја биләр, јахуд гојдуғумуз мәгсәдә артыг чатмышыг вә јенисини гојмаг лазым ҝәлә биләр.

Јени хидмәт или башламамыш мәгсәдләримизи нәзәрдән кечирмәк јахшы оларды. Бу, јени мәгсәдләр гојмаг үчүн ән јахшы вахтдыр. Аиләви ибадәт вахты бу мөвзуну мүзакирә един, ҝөрүн һәм өзүнүз үчүн, һәм дә аиләликҹә һансы мәгсәдләри гоја биләрсиниз.

Ашағыдакы саһәләрлә бағлы конкрет һансы мәгсәдләри гоја биләрсиниз? Бу мәгсәдә чатмаг үчүн һансы аддымлары ата биләрсиниз?