НӘ ҮЧҮН ВАҸИБДИР? Аллаһын Кәламыны фәрди олараг мүталиә етмәк бизә «һәгигәтин ҝенишлијини, узунлуғуну, һүндүрлүјүнү вә дәринлијини» там гаврамаға көмәк едир (Еф 3:18). Бу һәмчинин бизә шәр дүнјада ләкәсиз, мәсум галмаға вә һәјат сөзүндән икиәлли јапышмаға көмәк едир (Фп 2:15, 16). Аллаһын Кәламыны фәрди олараг мүталиә едәркән биз шәхсән өзүмүзә лазым олан мөвзуну сечә билирик. Бәс Мүгәддәс Китабы неҹә охујуб арашдыраг ки, мүмкүн гәдәр чох фајда әлдә едәк?

НЕҸӘ ЕТМӘЛИ?

• Чап шәклиндә, јахуд електрон форматда олан Мүгәддәс Китабынызда ајәләри ишарәләјин вә ја гејдләр апарын

• Аллаһын Кәламыны охудугҹа өзүнүзә бу суаллары верин: Ким? Нә? Нә заман? Һара? Нә үчүн? Неҹә?

• Фактлары арашдырын. Ахтарыш вәсаитләриндән истифадә едәрәк мөвзубәмөвзу, ајәбәајә арашдырма апарын

• Охудугларынызын үзәриндә дүшүнәрәк мәлуматын сизә неҹә аид олдуғуну баша дүшмәјә чалышын

• Өјрәндикләринизи ҝүндәлик һәјатынызда тәтбиг един (Лк 6:47, 48)

«СӘМӘРӘЛИ ФӘРДИ МҮТАЛИӘ ЕДӘРӘК ҺӘЈАТ СӨЗҮНДӘН ИКИӘЛЛИ ЈАПЫШ» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Бәзи мәсиһиләр фәрди мүталиә һагда нә дејир?

• Нәјә ҝөрә һәр дәфә фәрди мүталиәјә башламаздан әввәл дуа етмәк лазымдыр?

• Мүгәддәс Китаб парчасыны даһа јахшы баша дүшмәјә бизә нә көмәк едә биләр?

• Биз фәрди мүталиә үчүн олан Мүгәддәс Китабымызы неҹә ишарәләјә биләрик?

• Нәјә ҝөрә Аллаһын Кәламыны өјрәнәркән дүшүнмәк чох ваҹибдир?

• Өјрәндијимиз һәгигәтләрә неҹә јанашмалыјыг?