Јығынҹагларымызда Јеһоваја онилликләрлә хидмәт едән баҹы-гардашлар вар. Онларын Јеһоваја етибарындан чох шеј өјрәнә биләрик. Онлардан Јеһованын тәшкилатынын тарихи барәдә, үзләшдикләри чәтинликләр вә Јеһованын көмәји илә бу чәтинликләрә неҹә синә ҝәрдикләри барәдә соруша биләрик. Бу әзиз баҹы-гардашларымызы аиләви ибадәт ахшамына дәвәт едиб, мараглы һадисәләр данышмағы хаһиш едә биләрик.

Әҝәр сиз дә узун илләрдир Јеһоваја хидмәт едирсинизсә, өз тәҹрүбәниздән ҝәнҹ мәсиһиләрә данышын. Јагуб вә Јусиф Јеһованын онлар үчүн етдији ишләр барәдә өвладларына данышмышды (Јр 48:21, 22; 50:24, 25). Сонралар Јеһова аилә башчыларына бујурмушду ки, өвладларына Онун гүдрәтли ишләри һаггында данышсынлар (Гн 4:9, 10; Зб 78:4—7). Бизим дөврүмүздә валидејнләр вә јығынҹагдакы мәсиһиләр Јеһованын Өз тәшкилаты васитәсилә етдији вә өзләринин шаһид олдуғу һејрәтамиз ишләрдән ҝәләҹәк нәслә даныша биләр.

«ГАДАҒАЛАРА БАХМАЈАРАГ, БИРЛИК ГОРУНУР» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Австрија филиалы тәблиғ ишинин гадаған олундуғу бәзи өлкәләрдә диндашларымыза неҹә көмәк едиб?

• Бу өлкәләрдәки диндашларымыз иманларыны неҹә мөһкәм сахлаја билмишдиләр?

• Румынијада чохлу сајда тәблиғчи нәјә ҝөрә Јеһованын тәшкилатындан ајрылмышды вә онлар неҹә ҝери гајытдылар?

• Бу һадисәләр сизин иманынызы неҹә мөһкәмләндирир?